小弟响好多網都有尸口,道道都有留有腳毛,當然識吾少網友啦!當中有啲升左做[版主],好似中左狀元做[官]咁變面擺官威,小弟從來吾受呢一套,叻就贊,差就一定彈,吾會亂落鞋油,現實生活有時對人對事因環境問題好多時都會埋沒良心做一啲壞事,以前用命去搏,周時壞事做盡,今時今日在現實世界,到此時此刻,用世俗眼光或宗教眼光去睇,小弟此刻都係壞人一個,但吾係去偷搶或呃錢,只不過係某老兼行業比人帶有色眼鏡,所以小弟網上吹水係當減壓,遊戲人生,每次回覆或出料都係[真面目],如果連網上虛擬世界都吾夠膽講真話,我仲上網嚟有鬼用咩?EQ係用嚟响現實作運用,在網上用EQ?嘥氣,隨時網上自稱EQ吾夠2分,自己得13歲仲係青頭仔個位先係[世外高人],我兩位拍檔就係咁識番嚟,吾係吹水.
尋晚有位網友問小弟馬事,勾起小弟條講故根,今日又講吓馬故,小弟從前為[食]啲三線明星仔,請求屋企幫手搭路去娛樂圈客吋,結果小弟入去玩左一輪,布影版都機乎比我[卜]穿,以前因事出入毛冷台,當面見過[馬埸小醜],我同佢面對面傾過偈,印象最深係佢兩隻僵屍牙同真人係有口臭,而家可能醫番冇咁臭.
又話說因為[黑白波]事件種下禍根,攪到[賽馬節目]換人兼易手,當時[肥導演]都做過龍頭,而旁聽有條[長毛怪],呢條[長毛怪]當時係搭[小醜]順風車,[小醜]叫佢吹簫都得,各位吾好心邪,佢真係識吹簫架,您同我都識吹,係吹得冇咁好聽唧.話說[大賽在前],節目中[肥導演]請嚟[封神磅樹妖]做客席睇埸比料,當然錄影節目一定會有空隙時間,當時[長毛怪]見[封神磅樹妖]早兩個賽馬天,同[校長]及娛樂圈中人,連中2鑊大包圍,就伸晒脷,用條脷去落鞋油,佢以為閒時[封神磅樹妖]做人口水多過茶,必定易[雙乳],點知[樹妖]就一句插埋去,您老幾?我收左你學費要教你嘢?連乜嘢叫做[禁藥]都未識就學人出嘢講操馬,你做過練馬師咩?我就做過嘞!點解[封神磅樹妖]會提到[禁藥]呢?隻[長毛怪]又出過編乜嘢練馬師禁藥操馬編得罪[樹妖]大大呢?故就講到呢到,但真有其人,而家[長毛怪]仲將頭髮剪短,做埋[狗會大氣主持]專响入閘前比[流料].
各位今日有故聽要多謝尋晚揾小弟果位馬友,再响度答佢問題,其實馬佳善在馬迷同馬會心中都有一定[良好印象],如果馬佳善真係要嚟香港開倉,一定比其他人機會大,不過要配合環境,現時馬會對騎師或練馬師,會有一套均衡制度,吾會比任何一瓣獨大.呢期小弟對某網波版心淡,某外國番嚟嘅垃圾版主鐘意攪小圈子,比人篤爆又記仇,呢期仲做埋[岳飛老母]篤背脊,呢鑊[積極V仔]比條粉腸篤到應晒棍,好彩果個網都仲有馬版,但睇嚟遲早有變,已經有多個有質數嘅[專貼樓主]吾玩走人,問題應該係出响.....自己EQ吾夠,冇資格教人做事,但如果網上交馬友連最基本嘅道義都吾講,幾難想像現實會係乜嘢人.小弟都係小啲去果度吹水,留番啲口水[昆]中女.
上面馬故絕對堅料,但[人名]就自己估,估得晒實中馬仔! |
發表於 2007-11-8 07:04 PM
| 