相信呢一個係好多利迷心目中0既答案.
對於利物浦近期極差0既表現, 係炒領隊風氣旺盛0既英超, 領隊最容易受責備, 然後傳出帥位無保...
我相信今日, 聽日, 後日, 論壇都會有極多針對賓尼迪斯0既post, 但係, 其實今場係我近五場睇得最開心0既一場波, 原因會係以下慢慢咁解釋番俾大家聽...
首先, 分析一下球隊最近0既表現...
其實我地今季開得唔錯, 上過榜首, 有好幾場波大勝
及後因為歐聯差勁0既表現, 令賓尼迪斯被迫放棄一場作客雷丁0既賽事, 打開利物浦今季英超水準急劇下滑0既序幕
呢一個亦都係我地不得不放棄爭取英超聯賽冠軍0既理由...
點解係歐聯, 利物浦發揮得最得心應手0既賽事, 水準會同上季差咁大
我估計答案係後防0既傷患...
呢個亦都係賓尼迪斯今季犯0既最大錯誤
佢錯誤認為收購軒斯應該十拿九穩, 假若失敗, 三個中堅亦都足以應付半季賽事....
誰不知, 艾加0既受傷, 令球隊只能專注係一項賽事....當時, 賓尼迪斯選擇0左英超, 換黎歐聯三場只得一分呢個令人沮喪0既成績...
我相信兩位美國老闆係好緊張歐聯, 因為佢帶黎0既獎金係球隊收入0既一大部份
賓尼迪斯, 理所當然地要承受極大0既壓力, 係呢個時候, 佢就作出一個選擇, 就係暫時放棄追逐英超冠軍
呢個情況亦都可以係我地0既戰績上面睇到...
利物浦換黎就係由聯賽頭兩名0既位置, 跌到去排第四第五, 落後曼聯, 阿仙奴, 四至五分0既差距
其實呢個t距唔大, 要追亦都唔係好困難, 但係遍遍呢個情況就顯露0左利物浦另一個問題, 球員心理質素......
記得有位網友係利物浦打得差0既時候, 提及過前newcastle領隊艾拿載斯講過, 利物浦欠缺成為英超冠軍0既心理質素
咁, 皇者心理質素係乜野呢? 就係要係任何賽事都技術性擊倒對手, 以及係逆境中打出超水準...
前者, 紅軍開季的確有表現到出黎, 但係及後就無以為繼....
後者, 大家可能會話, 525, 06年足總杯等等, 利物浦都有表現到呢d特質出黎..
咁分別再於邊度呢? 就係球迷, 領隊, 傳媒對球隊0既寄望....利物浦球員根本未能夠承受呢一種壓力
可能有人會問, d球員平常心踢波咪ok囉~
順境時踢波, 你可以分揮出水準, 你都唔會覺得太疲勞, 但係逆境時, 疲勞就會狠狠咁攻擊你, 球員本身就要靠自己0既心理質素去對抗佢
原本, 都ok ga, 球員深信領隊可以帶領佢地得到勝利...但係好景不常, 我地兩位親愛0既班主比球迷, 傳媒更早發難...
係呢個時候, 都有幾位打得唔錯0既球員, 謝拉特, torres等, 就依然相信賓尼迪斯, 但係我相信, 其實球員, 不免都會開始質疑領隊種種0既決定
軍心不穩, 內憂外患, 又一次打擊球員0既信心...
pako 0既離去相信亦都對球隊有莫大0既影響, 因為就過去, 賓尼迪斯絕對唔係一個人性化0既領隊(睇過隊長自傳0既人會清楚點解)
球員信心問題, 應該一向都係交俾pako負責, 突然無0左自己0既左手, 相信賓尼迪斯都好頭痛....
咁最後, 結果, 大家都睇到啦, 連續四場和波, 加上今日呢場輸波....賓尼迪斯睇黎死梗, 炒得.......
冷靜d先....大家細心d諗下, 當今足壇, 有邊隊可以換完領隊之後立刻得到成功...
得兩隊, 皇馬+曼城.
皇馬, 真係要多謝卡比路, 係佢教識d球員點樣打逆境波, 點樣做好防守, 令佢地有身為皇者應有0既心理素質
之後新領隊要做0既, 就係教點樣進攻, 點樣搵出攻擊缺口, 咁樣反而好容易, 因為最難個part, 卡比路已經做晒
曼城主要就因為艾歷臣曾經做過英格蘭領隊
唔好睇少呢d經驗, 曼城可以用一批完全陌生, 無夾過0既球員打到咁, 就係因為佢做國家隊領隊, 知道點樣用超短時間打到一個form出黎
另外, 就係做英格蘭領隊必須對英超有一定0既熟悉, 所以佢都知應該要引入d乜野0既球員黎踢
就係因為咁, 就做到曼城呢一下突擊, 殺對手一個惜手不及....
但係, 呢個form好短暫, 我相信好快曼城就會跌出頭四0既競爭, 因為大家都開始懂得應付呢隊波
如果我聽日見到賓尼迪斯離開, 我會好震驚.......
第一, 領導層解決0左融資問題
睇番希克斯最近0既言論, 亦都表態支持賓尼迪斯, 話佢係利物浦未來兩年0既領隊
第二, 賓尼迪斯自己0既行動都一致
首先大家要明白, 開季時, 無一個利物浦球迷相信紅軍今季有力問鼎英超冠軍!
點解呢? 因為實在有太多新球員, 磨合都需要時間, 誰不知, 開季打得咁好, 加上torres, 紅軍球迷0既英超夢好似終於貼近啦.......
大家開始覺得時機到啦, 開始對球隊要求高0左, 什至可以話, 開始唔理性
咁唔理性都完全無問題, 愛, 幾時係理性ga....
所以球隊表現唔好, 我都有份破口大罵!
賓尼迪斯, 你有無搞錯呀, 又收起主力!
賓尼迪斯, 你排呢個陣, 傻0左咩!
好啦, 鬧, 又點呀?
兩場不和, 離榜首十幾分, 今季可以收工
唔駛諗英超冠軍, 羅到第四算好lu~
咁身為領隊0既賓尼迪斯應該點呢, 集中盃賽
所以, 依家英超賽事, 係利物浦訓練0既地方....
今賽波, 大家應該睇到領隊已經開始為球隊試陣, 亦都可以睇到, 未來4-3-3係球隊主要0既陣式
一轉陣, 球隊攻勢一浪接一浪, 攻到客場利迷開始高歌 liverpool, liverpool~~~
雖然入唔到波, 但係我睇得好興奮, 因為呢個就係賓尼迪斯最後0既工作, 為球隊帶黎進攻0既form
就今場所見, 古治真係俾賓尼迪斯慢慢改造成翼, 雖然我對呢個決定好反感, 但係你見到今季古治不斷係右邊出現, 就知佢將會擔任來季0既右翼=.=
值得一讚0既係, 佢傳中0既質素提升緊, 而集中訓練傳中, 應該係令佢射門水準下降0既原因...
torres 0既身份, 我唔多講, 射手
巴布應該會演變成類似亨利0既翼, 慢慢都見到佢開始進步, 例如無咁獨食, 球場閱讀能力高0左, 等等.....
加上狂出基維爾, 希望谷番佢d狀態, 信心出黎
中場方面, 見到謝拉特加盧卡斯應該係後上進攻主要攻擊手, 沙比, 馬斯負責分波
咁都解釋到點解施素高之前打利物浦往往會壓上前場攻, 呢個應該係賓尼迪斯對防中0既要求, 佢係呢方面唔合格, 所以被賣出...
因此可見, 未來, 沙比+馬斯會成為球隊進攻軸心, 主要負責轉守為攻加分波, 盧卡斯+謝拉特負責後上進攻...
呢一樣野係好0既, 因為既然無力爭取冠軍, 就應該踏實d為來季作出準備....
上屈英超, 維拉0既奧尼爾就係咁, 為0左今季, 放棄0左上年0既下半季, 在出卡維, 艾邦拉賀, 楊格, 就算打得差都繼續出...
終於, 今季收成, 維拉打得非常好, 有力爭取一張歐聯0既入場
既然賓尼迪斯可以咁做, 就應該証明佢同管理層達到共識
呢場輸波, 失望, 有
但係我認為應該一早就要輸, 如果唔係俾d球員覺得有運, 落場可以得過且過, 就更加唔好
我亦都相信我地好快會係呢一場敗仗之中企番起身, 我相信呢場敗仗係正面0既!
咁作為利迷應該點做? 大家可以繼續鬧, 繼續話, 繼續聲討賓尼迪斯
但係我, 我欣賞佢夠踏實, 亦都睇到球隊0既進步, 我會繼續"盲目"咁支持賓尼迪斯
最後, 老土d都要講一句, YNWA
|
發表於 2008-2-1 08:46 AM
| 