男：今晚妳想食乜野?
女：是旦啦!你話事...
男：食壽司好唔好？
女：天寒地凍仲食Ｄ凍冰冰野...
男：咁去打邊爐啦,天氣咁凍,打邊lo就最正
女：我前兩日先打過,成日打好熱氣...
男：咁去食泰國野或者韓國燒烤好唔好?
女：都話左熱氣啦,仲要我食呢Ｄ野,你有冇心聽我講野架...
男：咁去POKKA好唔好?嗰度Ｄ SET DINNER都幾好食(開始有Ｄ無奈）
女：POKKA好多人,唔想排隊
男：咁去"鋸排"好唔好?
女：唔想食咁多肉,好肥架..
男：冇人叫妳食晒件"排",或者妳叫碟意粉又或者其他野都得架
女：咁咪即係叫我睇住你"鋸排",我唔食你都唔準食...
男：咁食台灣野好唔好?(有Ｄ火）
女：台灣野好多油,好肥架(撒嬌狀）
男：咁去食粥啦(已經開始"發悔氣"）
女：天氣咁凍,食粥唔飽肚
男：麥記定KFC...行啦(江良才盡"發悔氣",明顯已經唔想諗）
女：都話熱氣落...(委屈狀）
男：咁不如妳話事啦,我唔想諗啦...
女：我就係諗唔到食乜先叫你話事,你比Ｄ主見得唔得(發脾氣）
男：唔係話熱氣,就話肥,我真係諗唔到仲有乜可以食(爆發了）
女：咁係熱氣、係肥丫嘛...我有講錯咩，自己諗唔到就亂發人脾氣(惡人先告狀xd)
男：咁去味千食拉麵好唔好(死狗狀）
女：唔...都好,我要食咖哩拉麵/炸餃子
男：又話熱氣!?
女：仲要食雪糕
男：又話天寒地凍仲食Ｄ凍冰冰野...
|
發表於 2008-2-10 02:42 AM
| 
