爭高價賣畀杜拜財團利物浦美國老細內訌

利物浦「老細風雲」無日無之，最新發展係美國老細之一希斯，企圖從拍檔吉列手中，買下其百分之五十「紅軍」股份，以圖全權掌控利物浦。近期兩位班主都同杜拜財團ＤＩＣ過從甚密，雖然希斯向吉列收購股份，但唔好以為希斯真係對「紅軍」有感情，事實上佢都同過ＤＩＣ傾過出售價錢，依家想買埋吉列份，只不過想進一步獲益！

馬斯真蘭奴正式簽約四年

希、吉二人去年以四億三千一百萬鎊成功收購利物浦，各佔百分之五十股權。ＤＩＣ早前出手收購利物浦，希斯曾同對方討價還價，但ＤＩＣ放棄唔買，反而吉列就同佢傾得埋欄，接近完成階段。希斯日前話，冇佢批准吉列唔可以出售股權，而佢見ＤＩＣ咬住「紅軍」唔放，決定一不做，二不休，諗住買埋吉列份，再提高價錢賣畀ＤＩＣ，認真識計數。