賽後評：一月十日沙田十場泥草日馬

第一場：「愛頑皮」如非排外檔早段際遇太差，贏馬應係佢。相反「龍城動力」賺晒形勢贏。「履皇朝」明顯捧人多過捧馬。「年年好運」落到呢個分必有得贏，草地亦咪睇少。「彩球」志不在此。「大家關心」谷草好位至值博。「永得米」用得多要唞唞。

第二場：「大合照」贏得比預期險，加分後咪熱捧。「喜利高」減夠分再跑可補中。「安利多」搵到支持點好快會交代。「巴基小子」巫斯義又全程外遊，認真難睇！「皇龍動力」初跑哩效果只一般。「太陽海岸」落五班大把世界。「驪龍」等季尾。

第三場：「星際武士」柏寶操完揀「至叻熊」一 Q 返，計前景後駒睇高一線。「星運俊爵」輸負磅太重。「包勝」忽然走樣，質新馬常見，下場隨時又交番水準。「現代財星」試準增程贏得。「佳景名駒」唔係短途馬。「無敵」評分已減好多，可開始留意。

第四場：「英勇大師」贏得易，對手一般係主要原因。「天時駿駒」現評分易位難贏。「共創美好」加 1 4 磅係致命傷。「豪逸」拉士追番好多，呢個分未摸頂。「仁仁友福」跑 8 5 分上限三班賽有胡叫。「品學兼優」等落班至諗。「百戰百勝」確認谷好過田。

第五場：「由心出發」升三班仍惡氣十足。「駕善」肯換人隨時補中。「金龍」沿途劣勢第三，今場有損失馬房必心急交代。「赤壁武士」全程好唔規矩，羅理雅根本發揮唔到。「火龍寶」唧一段似模似樣，跑 1 6 0 0 冷門可敲。「勁駿皇駒」點會響田草博！

第六場：「拼搏小子」加分後又要坐馬監。「匯聚力量」明顯輸騎功分野，如用洋將有權贏前駒。「菁英神采」志在考驗長力。「贏男」加分兼轉排外檔即蝕唔起。「甜城效應」 1 4 0 0 衝得勁過 1 6 0 0 。「富貴榮華」四班着數只睇胃口。「爪黃飛電」繼續減分。

第七場：「三和福將」有前有後大熟當打，可惜加分後選擇不多。「輕彈錢笑」、「左右逢源」雖入位但評分已屆飽和。「牛精好友」巫斯義又一隻全程走外叠！「跑寶貝跑」減分等季尾。

第八場：「鄉村輝煌」大熱梗頸四，三歲馬嫌搏得太密！「傑飛」彈甩對手一出即勝，明顯非三班馬。「幸運日」三班搏極都只係 P 。「御鋒」馬性好開就好。「根深柢固」休出志在熱身，下場會唔同。

第九場：「旅遊首席」全程好位但拉士爆唔起，均速馬再出要增程。「紅駿」贏嚟清脆，明顯今季至大熟。「心晴」韋達走位唔多進取，今場唔作得準。「寶正寶」走光，再出冷敲熱避。

第十場：「詠彩繽紛」成為季內首匹直落三 W 馬，騎「永同天下」之雷神功勞最大，後駒車前倒後都第二，若非咁未必冇得鬥！「貝連利」上場食飽。「開心健康」剛走光例牌要過冷河。

收藏分享評分

回復引用

訂閱 TOP

返回列表

賽 後 評 ： 一 月 十 日 沙 田 十 場 泥 草 日 馬

賽後評：一月十日沙田十場泥草日馬