四場 1 、 5 、 8 、 1 2 互串

今日十場賽事，上半場亂，下半場應不亂，卻好多熱門像「步步友」及「活力寶」，熱到未必買得落手，想博好分就揀上半場嚟玩。

第二場四班草地 2 0 0 0 米
大部分馬都欠路程根據，首選為「樂在其中」（詳見另文）。「金刀銀鑽」是新近當起馬，連續兩場跑得好，上次更輕鬆擊敗對手出頭，取得突破主要原因，是韁口比過去大有改善，以往跑 1 8 0 0 米以上多數唔到，現在冇晒缺點，有信心牠能扳到，買 Q 仍是必然之選。

「自動導航」田草九比零，當然無泥地咁有把握，但這次賽前連拍三課，改配跑長途拿手的杜滿萊，又唔算唔似樣，睇番大前仗跑同程，排 1 4 檔留後，直路只顧搵位，無乜真正騎過都追近，隔兩場再跑同程，冷門一定會預佢。

「精彩生輝」未跑過 1 8 0 0 米以上路程，九歲馬最近持續受操，埋門有草地課期，抽二檔慳住追一段，也有入圍機會。「勝風」有根據，可是今季稍退，排外檔不太好跑。

「運財福星」比上次再跑長 2 0 0 米，面臨考驗，到唔到，真係唔敢講，預埋都唔反對。「海洋活力」狀態仍欠佳。「好球」常近而無威脅。「財歡笑」未及水準。

「長勝勇將」 1 2 檔內側快馬不多，有機會貼欄領放，或會比上次好，但唔似贏得。「大家贏」田草實力平常。

胡森一對「百事神駒」與「幸運新寶」，分用韋達及巫斯義，季內表現仍以後駒較好，但常跑三、四名，買 T 、四重彩才考慮。

策略： WP 會博 1 2 ， Q 2 ， 5 ， 1 0 ， 1 2 互串。

第四場四班草地 1 4 0 0 米
「金碧陽光」、「星夢」、「得全勝」，甚至「野孩子」都是前置馬，會否鬥燒無得估，卻幾肯定「金碧陽光」會放，排五檔比較好以外，跑法已定型，應該唔會留吧？同程所贏兩 W ，都在今次的 B 加二跑道取得，若繼續利前置，有 Q 唔奇！

「星夢」上次遇到「得全勝」應放唔放，相互禮讓下操控不快步速贏馬，今場排九檔，內側有「金碧陽光」外，還有「得全勝」，未必再有上次好形勢。「得全勝」實力有限，跑法單一，多相同跑法馬不好跑。

「野孩子」上場搶得太急，今次抽外檔，搶又唔係，留又唔係，好尷尬；排 1 1 檔的「同心」亦面對同樣問題。

前置獨揀「金碧陽光」，再揀三匹中置後追馬，「駕善」是其一，一檔守好位機會好大。「育成寶寶」跑兩場 1 2 0 0 熱身，終於肯增程，從近兩仗看到此駒非短途馬，今場上 1 4 0 0 米，莫雷拉即騎番，唔好漏咗佢。

最後是「總統至上」，同樣屬增程馬，目前仍帶脾氣，唔容易跑，換潘頓是最大變數，加程除眼罩也啱數。

「八心之煌」缺陣太久。「藍雪山」 1 4 0 0 米未必好過 1 2 0 0 米。「威祥」仍沉。「醉中意」上次水準不高。「琪麟穎」遇番舊馬輸進度。「綫路財星」近仗失望。

策略： Q 1 ， 5 ， 8 ，12

樂在其中準備足
「樂在其中」雖跑四班且排外檔，但由於本身屬死步頭馬，走二叠能夠盡展步幅，唔窒住窒住其實更好，今場孭住 1 1 1 超輕磅，長力又唔使估， 1 月 1 4 日有五班谷草 1 8 0 0 ，姚本輝無替其報名，還要在考閘合格後，多試一課谷草 1 7 0 0 閘，非無準備而來，冷可博。 [/td][/tr][/table]

收藏分享評分

回復引用

訂閱 TOP

返回列表

四 場 1 、 5 、 8 、 1 2 互 串

四場 1 、 5 、 8 、 1 2 互串