真的是神嗎？雷神總獎金打破香港紀錄

雷神即係雷神，贏馬好似斬瓜切菜咁，第七場三班 1 2 0 0 米泥地，佢連自己騎三次全勝未輸過之「霸氣」都肯放手，寧願騎番今季未贏過之「嫡愛」，果然有料到，「嫡愛」由頭熱到尾 2 . 2 倍開跑信心爆棚，拉士雷神敵不動我不動，見主要對手潘頓之「執到寶」郁手，「嫡愛」先至發力一拍上去話過就過，齋推唔使開鞭，名副其實睇住嚟食，雷神跑完第七場四喜臨門，已先後勝出「彩球」、「曦世之寶」、「鈦金剛」及「嫡愛」。

反觀方廐「執到寶」換馬房主攻手潘頓都係唔掂屈居亞軍，今季一出取勝後，近五仗全跑二至四名。今場第三名係 W 着綠燈之「歡樂小子」，文家良繼第二場「鑽飾傳奇」後又跑 P ，羊年仲食緊白果；第四名由新牌仔黃皓楠騎落飛馬「頌友」拎到。

截止呢場為止，雷神今季總獎金已經打破於韋達 2 0 1 2 至 2 0 1 3 馬季所創之一季 1 . 0 9 億元紀錄，新紀錄已逾 1 . 1 億元，佢只係用咗半季時間已經刷新紀錄，神級騎師當之無愧！

嫡愛(橙衫)今季兩戰一冠一季

雷神(中)用了半季時間，總獎金已經刷新香港紀錄

收藏分享評分

回復引用

訂閱 TOP

返回列表

真 的 是 神 嗎 ？ 雷 神 總 獎 金 打 破 香 港 紀 錄

真的是神嗎？雷神總獎金打破香港紀錄