0708歐聯回顧及總結

在史丹福橋劃上美中不足既句號，無奈、傷心...不過事實就係事實，祝願贏左我地既車仔，可以係莫斯科快快樂樂返去史丹福橋

的確尋晚車仔比利記打得好，加上天公唔做美，體能跌watt嚴重，1前1後傷出，只怪第1回合和得太不幸，不過無需要怪任何人

林伯特，個人承認佢係1個好波之人，不過要比較之下的確我地既隊長較好，尋晚林生既慶祝的確令人傷感，振作吧，為林媽媽、為車仔贏取第1個歐聯獎盃，支持林生下場1箭定江山！

0708歐聯回顧~~~

外圍賽︰
上年第3名完成英超比賽，要打2回合外圍賽進入分組賽，對手為圖魯茲，賽前有少少隱憂驚好吃力先出到線，結果可以講係有驚無險贏晒2場，成功打入分組賽！

15/8/2007 作客圖魯茲
http://youtube.com/watch?v=kynOTnuBM9M
4哥係43分鐘禁區頂一個妙射就作客贏波，不過此情此境唔知仲有無得睇！

28/8/2007 主場圖魯茲
http://youtube.com/watch?v=7BAE5yeRRac
高佬門前一腳、大佬希一頭、古治2個技術型射波，4-0輕輕鬆鬆又夠鐘，睇多幾次，好好細味古治既射術，讚！

分組賽︰
利記被編入A組，同組有波圖、馬賽、比錫達斯，牌面上今年既抽籤結果比對上2-3年都易打，加上利記近年歐聯成績優異，3年2入決賽，而實力又係4隊最強，順理成章被視為小組首名大熱，但往住利記易打既就打得差，難打既又超水準，結果先苦後甜，過山車式既6場比賽，以10分次名出線！

18/9/2007 作客波圖
~~~~~~~~~~~~~~~~~~~~~~~~~~~~
古治繼外圍賽後再次入波，為利記作客葡萄牙拎左1分，第1場收貨！

3/10/2007  主場馬賽
http://youtube.com/watch?v=GIwUz4cSZxs
主場落筆大更，76分鐘比人少少無心插柳既入波拎左3分！CC 同辛頓第1次重返晏菲路！

24/10/2007 作客比錫達斯
http://youtube.com/watch?v=DyKP7YBOltg
決心收復失地可惜事與願違，1-2爆冷悃哄A大佬希不幸老烏，隊長85分鐘拎番個得失球安慰獎！

6/11/2007 主場比錫達斯
http://youtube.com/watch?v=zvJyj7uUd-M
窮途末路下血洗比錫達斯！班拿約戴帽、高佬2粒、賴尿膠布2粒、隊長1粒，打破賽前阿仙奴賽前一星期既歐聯淨勝新紀錄，賽後傳出利記打假波，試問利記點洗打假波先贏到，最後當然係清白喇！

28/11/2007  主場波圖
~~~~~~~~~~~~~~~~~~~~~~~~~~~~
賽前許勝不許失分既利記4-1大數波圖，王子歐聯開齋貢獻2粒、隊長、高佬各建1勁

11/12/2007 作客馬賽
http://youtube.com/watch?v=FCxWTlwFxJM
3分出線，否則出局，3分鐘隊長12碼、12分鐘王子個人表演已經叫大家放心，2個荷蘭幫及後各入1粒，開開心心入16強！

16強︰
對手國米，上半季國米可以話係所向披靡，正值2月利記係低潮，行程一致睇好國米可以勝出，結果利記2回合3-0勝出，馬特拉斯、貝迪素前後2場不幸紅左！

19/2/2008  主場國米
http://youtube.com/watch?v=FfCt0tSIrjQ
84分鐘開電視仲世@@臐A眼看0-0完場之際，利賓納助攻古治抽入既時間係85分鐘、神奇隊長神奇一射2-0係88分鐘，2-0兼對手2個後勉下場唔出得，絕對優勢！

11/3/2008 作客國米
http://youtube.com/watch?v=g82e5-Utf64
轉身抽射死角入，王子厲害到不得了！

8強︰
對手阿仙奴，見慣見熟既比賽，6日見3次，上年盃賽被對手重創，今次2隊合演180分鐘好波比大家睇，8個精彩入波，利記帶有幸福下再次入4強！

2/4/2008 作客阿仙奴
http://youtube.com/watch?v=j8J3gyAuvHs
再一次古治，聯賽無波入，歐聯就頂呱呱，36分鐘既作客入球為利記出線取得優勢！

8/4/2008 主場阿仙奴
http://youtube.com/watch?v=1e65roB9LNA
又一場睇到你爆血管既比賽，心跳可能1分鐘150下！13分鐘迪亞比既失望，30分鐘大佬希既希望，69分鐘王子再出轉身抽射死角入既超必，到84分鐘艾迪雞腳既打擊！完場?仲未好戲在後頭！岩岩跌至谷底，球証直指12碼，咩事都未知就high一high，隊長入完give me five，到巴布入埋就真係同阿仙奴say goodbye，睇多次，方便大家爆多次血管！

4強︰
對手車路士，牌面上今次反而睇好利記，因為過去有2次數據支持，結果雖敗猶榮，大家盡晒力！

224/2008  主場車路士
http://youtube.com/watch?v=CKg4BZfoOBk
再一次係佢，無錯又係古治，43分鐘妙射搞掂，可惜臨天光賴尿，1-1！

30/4/2008 作客車路士
http://youtube.com/watch?v=-aGvzQpsrk8
盡左力！王子下半場入波將比賽帶入加時，好1個機會主義者，可惜最後跌watt嚴重，加防守佈offside失敗，2-3輸波，賴尿膠布遠射係施治輕敵下入左！佈offside好多次企定定舉手既陋習要改！

總括黎講，利記已經盡左力，4強止步可以話叫利記上上下下、利迷感到光榮，下屆努力！

P.S. 講真睇左利記6年，次次大賽都真係心臟病，不過無可否認，利記現時輸左大賽我真係好快可以放得低，可能都睇左成6年，同埋除左英超之外，講真真係咩都睇利記拎過，個人現時最想既係可以見到KEWELL仲有機會著住利記波3拎獎，咁就心滿意足講真！

P.S.  I LOVE U~~ LIVERPOOL~~~~YNWA

1 評分次數