楊明綸駱穎豪馬場BIG BOYS噏

暑假話咁快結束，新馬季將於周日正式開鑼，無論騎師或評馬人，都密鑼緊鼓為新季籌備。今次就特登邀請圈中兩位型男駱穎豪（Edward）同楊明綸（Keith），到上環Three Monkeys呢間極具格調嘅餐廳，同佢哋分享暑期有乜搞作同新季動向，最重要就梗係講吓有乜銀行馬。仲等？快啲睇埋落去啦。

收藏分享評分

回復引用

訂閱 TOP

02754566

星級忍者

Rank: 6 Rank: 6

2^#

發表於 2015-9-3 07:58 PM | 只看該作者

E：Edward 駱穎豪、K：Keith 楊明綸

E：Hello Keith，成個暑假冇見你，仲係咁fit喎。


K：係咩？我暑假去咗澳洲幫師公希斯手呀嘛。真係大開眼界呀。


E：不過我好似聽聞過，你原本唔係諗住去澳洲喎，係咪真o架？


K：係呀，其實我做騎師以來，一直都有一個心願，就係去美國學藝。上季尾我已經得到馬會協助，聯絡好當地人事，但係美國工作簽證手續批核需時，最後個申請都係批唔切，所以先至去唔成咋嘛。

回復引用

TOP

02754566

星級忍者

Rank: 6 Rank: 6

3^#

發表於 2015-9-3 07:58 PM | 只看該作者

E：點解咁特別會想去美國？

K：師傅李易達無論係跑馬、做人方面，佢都係其中一個影響我最深嘅人。達哥當初喺美國開始學練馬，佢成日同我講話美國係全球其中一個最先進、最出色嘅賽馬地區，而當地亦都聚集咗好多全球頂尖嘅騎師，係好適合磨練騎功嘅地方。佢呢句說話畀我好深印象，我好嚮往美國嘅環境，所以呢幾年都搵緊機會。就算今年去唔成，我下年一定會再申請過。Edward，我作為騎師，就會趁住暑假外闖磨練自己嘅技術，咁你哋評馬人唔使講馬，係咪真係完全放大假呢可？

E：梗係唔係啦。依家暑假愈來愈短，尤其是新季較以往早開鑼，要提早睇試閘、晨課做準備工作，所以評馬人都冇乜暑假可言！

K：咁早就要做功課準備？可唔可以向班馬迷透露吓你睇中邊隻先？

回復引用

TOP

02754566

星級忍者

Rank: 6 Rank: 6

4^#

發表於 2015-9-3 07:59 PM | 只看該作者

駱穎豪睇中一老一嫩

E：哈哈，我今年就睇好兩隻馬，分別係「一老一嫩」。年紀大嘅就係「辣得醒」，呢匹馬雖然之前健康出過些少問題，但上季季尾已經逐步回復走勢，五班起步應該會有作為。而年輕嗰匹「縱橫大地」上季就唔係跑得多，經過暑期後成隻成熟晒，我睇好佢三班可以扶搖直上。咁Keith你開鑼日有多少匹坐騎？有無信心旗開得勝？

K：開鑼日坐騎包括有「雷神」、「包裝勝將」、「蜜圈」和「執子之手」等，好嘅開始，係成功一半，會盡我最大努力爭取好成績，打好基礙。講完馬，不如講吓你今個馬季有咩目標啦，係咪有機會做番次華將一哥呀？

K：呢啲虛名啫。（笑）老實講呀，我季季都冇為自己set一個特定嘅頭馬數字，都係盡力發揮好每一匹坐騎，希望每季都能夠比之前進步就最好啦。

E：今季咁多輕磅騎師，怕唔怕競爭大，爭取支持會更加難呢？

K：其實對華將來講，有邊季唔難呀？我打慣游擊吖嘛。只要做好自己，又有乜好怕喎。

E：咁我就先祝今季愈贏愈有啦！

K：大家咁話。

回復引用

TOP

返回列表

楊明綸 駱穎豪馬場BIG BOYS噏

楊明綸駱穎豪馬場BIG BOYS噏