皇者拍檔加眼罩可短

今晚谷草開鑼夜賽，有唔少馬都未準備好，存在跑咗再算的心態，務必細心睇操練程序，甚至體重水平，判斷究竟準備好未？潘頓續缺陣，方嘉柏少了主力殺手，突然搵莫雷拉騎三隻馬，自己睇好五、八場兩駒。

第六場四班 1 6 5 0 米，雖是三 T 尾關，卻覺得買 Q 範圍不算闊，以「常勝龍王」、「紫電明珠」、「勝利威」、「珍珠旺」為核心組合。

「常勝龍王」上季跑九場全入前四名，表現準繩，由 2 6 分反彈至目前 5 8 分，雖覺未去到最高位，卻已欠贏馬把握，要睇對手，又要睇本身狀態；純睇表面，今季操練程序尚算完整，有大閘及拍跳，但總覺不及上季咁行、咁好勢，不肯定是否因轉七歲所致，因此對其唔算有信心，尤其是博 W ，買 Q 才預佢。

「紫電明珠」上季曾贏過前駒，論晨課觀感亦較好，今晚排三檔，形勢倍覺安全。「勝利威」上季三月後缺陣至今，但五、六月一直有操，期間更試三次大閘，今季早復課，承接到操練，八月尾泥地大閘，跟跑不必在意，蔡約翰全晚跑一隻，用羅理雅要留神。「珍珠旺」今季韁口、跑姿再有改善，尺寸後上馬排外檔，早段一定唔可以搶口，有莫雷拉望能操控得更好，再加上同場有足夠前置馬，步速唔太慢，也有助人馬發揮。

「騏名燈」賽前有大閘，似配合馬房攻勢，可惜排外檔，內側又有數匹跑法相近馬，好難博楔得好。「杰歡騰」工序嫌過柔。「龍騰虎震」一哩已嫌促。「好好機會」欠起色。「新速直前」操練悠閒。「無敵勇者」、「活力小子」無變化。「故事」密跑想減分。

策略： Q 1 ， 4 ， 5 ， 8 互串。

第八場三班 1 2 0 0 米，方嘉柏出王牌替「皇者拍檔」報 1 2 0 0 米，第七場明有 1 6 5 0 米可揀，偏唔揀，再睇同組後備一，正是早前由莫雷拉試大閘的廐侶「澤心星」，更肯定唔係亂來！

「皇者拍檔」咁耐只在大前季，戴眼罩跑過一次，該役正是跑 1 2 0 0 米，蝕埋慢步速得第三，今次重戴眼罩，賽前唔試大閘，其實早在八月初經已安排快試，跳得好足，所以估計應想等到真正落場，會有更強新鮮感；還有一點，自己好鍾意星期一最後試跑，直路快開一段表現。今場 1 2 0 0 米用莫雷拉都唔會熱，抵博。

「精壯神駿」今季最大唔同，是比上季中後期醒神番好多，決定報今場前有做大閘，狀態早到位，雖是初跑谷草，但上季已試過兩次跑馬地大閘，兩次表現得唔錯，夠膽作出安排，反映告達理對其谷草適應能力，應有一定信心，再加上排三檔亦有助發揮水準。「帝國勇將」細馬易操起，可是點都返唔到後生水準，買 Q 才諗。「愛寶」實力有所不及，狀態卻好過同場好多馬，揀埋做保險腳。

「人和家富」頂磅加 1 2 檔，難跑。「金珀龍華」跳三課已少，實際只兩課快工夫，唔信。「巴基小子」、「幾叻仔」試閘唔好。「大運舞台」報名、用人都唔似樣。「大將風馳」試閘後曾停課數天。「甜城效應」無試閘兼用湯智傑，點會係。「動畫大師」全無變化。

策略：博 3 WP ， Q 2 ， 3 ， 5 ， 1 1 互串。

收藏分享評分

回復引用

訂閱 TOP

返回列表

皇 者 拍 檔 加 眼 罩 可 短

皇者拍檔加眼罩可短