第 一 場 ： 「 彩 利 」 換 蘇 兆 輝 輕 易 變 身 ， 再 出 可 添 食 。 「 保 證 滿 意 」 加 磅 後 明 顯 有 點 吃 力 。 「 友 歡 笑 」 直 路 數 度 受 困 ， 否 則 應 有 得 爭 。 「 帶 運 伯 樂 」 有 點 舉 步 維 艱 ， 肯 定 受 場 地 所 影 響 。
第 二 場 ： 「 拖 板 王 」 試 準 一 擊 即 中 ， 有 條 件 加 程 外 四 班 亦 留 唔 住 。 「 翡 翠 紅 星 」 輸 沿 途 際 遇 冇 前 駒 好 ， 呢 個 分 肯 定 夠 贏 。 「 乘 勢 好 運 」 初 出 輕 鬆 第 三 ， 再 出 篤 定 贏 。 「 中 華 壹 號 」 落 班 換 莫 雅 即 有 走 勢 ， 馬 房 會 好 快 交 代 。 「 金 鎗 俠 」 、 「 賞 面 」 落 班 較 有 把 握 。
第 三 場 ： 「 新 界 福 星 」 減 分 雖 多 ， 但 贏 得 咁 輕 鬆 証 明 對 手 實 太 弱 ！ 「 領 先 直 前 」 換 雷 神 守 好 位 反 而 爆 得 冇 上 場 勁 ， 莫 非 馬 性 喜 沿 途 走 外 叠 ？ 「 摯 跑 得 」 落 五 班 跑 又 即 上 名 ， 衝 力 短 谷 草 會 仲 好 跑 。 「 齊 飛 」 如 換 牌 仔 估 佢 會 隨 時 變 身 。 「 欖 球 大 使 」 遇 弱 越 弱 。
第 四 場 ： 「 和 諧 氣 氛 」 全 程 際 遇 差 到 唔 似 真 ！ 「 千 真 萬 確 」 打 叠 三 場 跑 得 好 ， 加 分 後 應 差 唔 多 。 「 安 闖 」 追 落 冇 上 兩 場 勁 ， 應 係 受 場 地 影 響 。 「 奪 目 商 人 」 上 名 後 再 出 照 例 好 。 「 自 成 一 格 」 分 已 減 過 龍 ， 係 時 候 跟 進 。 「 駟 寶 」 因 場 地 大 敗 ， 今 場 唔 可 作 準 。
第 五 場 ： 「 甜 統 」 熱 身 一 場 即 到 位 ， 四 班 過 客 ！ 「 時 裝 精 英 」 放 好 過 追 ， 肯 換 人 再 出 穩 補 中 。 「 雷 神 」 四 班 能 力 好 一 般 。 「 甜 城 效 應 」 馬 房 手 風 弱 唔 到 你 唔 信 。 「 有 鬥 志 」 、 「 友 瑩 養 」 均 速 馬 重 磅 好 難 贏 ， 用 牌 仔 減 磅 好 跑 好 多 。 「 駕 悅 」 韋 達 騎 反 而 仲 差 ？
第 六 場 ： 「 聰 敏 不 凡 」 初 跑 1 8 0 0 米 跟 得 急 都 贏 ， 呢 組 馬 水 準 差 係 主 因 。 「 凱 旋 生 輝 」 今 場 馬 少 如 非 留 到 包 尾 有 權 贏 。 「 期 惑 」 實 力 已 見 盡 ， 熱 門 唔 值 博 。 「 王 者 無 敵 」 越 跑 越 差 ， 馬 房 想 落 班 ？ 「 文 藝 復 興 」 閹 完 後 狀 態 仲 未 返 嚟 。 「 安 荃 」 直 路 塞 多 過 跑 ！
第 七 場 ： 「 英 明 勇 將 」 柏 寶 全 程 走 位 奇 異 ， 值 得 商 榷 。 「 活 力 小 駒 」 慢 閘 都 贏 甩 ， 有 條 件 殺 上 二 班 。 「 風 火 勁 駒 」 初 出 唔 錯 ， 兩 場 內 必 贏 。
第 八 場 ： 「 旅 遊 仁 義 」 馬 大 熟 隨 時 贏 到 你 唔 信 。 「 摩 高 一 丈 」 初 出 志 在 考 驗 ， 此 匹 北 半 球 馬 嚟 得 好 快 。 「 騰 龍 超 影 」 漸 入 佳 境 ， 馬 房 會 好 快 交 代 。
第 九 場 ： 「 嘉 應 之 友 」 雖 贏 1 4 0 0 米 但 路 程 絕 非 首 本 ， 加 程 會 仲 強 。 「 天 才 」 輸 路 短 。 「 佳 龍 駒 」 起 步 亂 晒 龍 包 尾 ， 但 末 段 追 番 好 多 ， 再 出 可 博 冷 。
第 十 場 ： 「 首 飾 太 陽 」 贏 在 莫 雅 一 早 發 力 走 甩 ， 相 反 「 明 月 千 里 」 太 定 遲 望 空 應 贏 變 輸 ！ 「 幸 運 如 意 」 、 「 澳 斯 卡 」 衝 一 衝 就 冇 ， 似 欠 一 哩 長 力 。
第 十 一 場 ： 「 人 民 武 士 」 贏 完 加 程 一 步 都 冇 ， 大 摩 新 勝 馬 莫 非 中 魔 咒 ！ 「 錶 之 勝 」 姿 態 輕 鬆 再 出 可 贏 第 三 W 。 「 高 利 多 」 跑 內 欄 明 顯 唔 及 走 外 叠 衝 得 勁 。
|
發表於 2016-1-25 04:24 AM
| 