重演上月9日事件！ 潘頓疑似揀錯馬 棄騎又由鄉里勝出
這天下半場接連開出熱門賽果，來到最尾第十場二班1400米，羊年最後一擊反底開冷門。上仗由潘頓勝出的「永同天下」換上另一澳洲騎師柏寶，結果呢匹由容天鵬訓練的忠心鐵馬，用番同一後上跑法，直路於大外欄一衝過晒，8.6倍落飛馬連捷於首本途程1400米，組合獨贏A2派34元，連贏搭莫雅更後追上的「馬跑得」派近400元。柏寶連同第二場代替雷神騎蔡廐「劍斷浪」大熱勝出，這天最終起孖。
反觀潘頓今場走去騎由高廐轉葉廐初出的「旅遊首席」拉士衝落卻唔多，卒之大熱倒灶跑梗頸四。
呢場賽果令人聯想到上月9日又係沙田日馬尾場，潘頓有自己贏開的蘇廐「天笑」唔騎，轉策容廐未勝馬「嘉應之友」，結果「天笑」由其鄉里羅理雅爆冷建功而「嘉應之友」落第。
至於今場跑第二的「馬跑得」正係出自蘇廐，鞍上人莫雅最終以42分勝出這天騎師王。三、四名係全場最熱兩駒，次熱「飛廉之子」羅理雅做雷神替工跑第三，2.6倍「旅遊首席」得殿軍，大熱WP齊撻！ |
-
1
評分次數
-
發表於 2016-2-6 11:25 PM
| 
