唔經唔覺呢條攤路已連開十期！

一月至今共舉行了十次快活谷賽事，練馬師姚本輝每次例必有馬勝出或入Q，唔經唔覺呢條攤路已連開十期！而且近四次谷戰，皆有剛上名馬繼續上名，好似前次「小龍兒」、「鑽石巨匠」，以及上周三「氣勢如虹」等，都是最佳例子。今期(31日)姚廐又有「盈豐駿駒」及「新疆紡」上名後再出，相信應是馬房出擊重心。
列陣第六場三班谷草一哩賽之「盈豐駿駒」，上仗角逐以往十一戰從未上名之盲門田草賽事，結果在蔣嘉琦胯下拼入一席亞軍，可見近況甚勇，今仗跑番唯一贏馬路程谷草一哩，改配曾合作上名之黎海榮，應有更佳留放及發揮，憑輕磅及4檔之利，有權再次快放偷襲。
至於第三場四班1200米之「新疆紡」，今季才出道，首兩仗跑沙田雖然平平無奇，不過上仗初跑快活谷，即於1200米入位得季軍，僅以頭位負於頭馬「駿瑪」，表現大幅進步，可見本身谷草性能特佳，等番同一路程再上陣，質新當起馬有力補中。