一早盛傳質高！與黑衣巨人同血統蔡約翰超值馬25倍Win

蔡約翰係今季準冠軍練馬師，他的頭馬多年來賠率都偏熱，偏偏這晚第二班四班一哩，他的「主力艦」取勝卻出奇地冷。
四歲馬「主力艦」今仗初配何澤堯，此駒今季開始服役，初時係風頭躉，事關佢既與上年打吡冠軍「戰利品」同馬主，亦與前馬王黑衣巨人「步步友」同父系，一早盛傳有高質，雖然這晚賽前跑咗五場最叻第四冇乜料到，但都係1200米，而且普遍都指此駒宜中距離，今次徇眾要求加程首戰一哩，卻票數冷落，結果沿途前置下，以無敵姿態彈甩所有對手逾兩馬位開齋，表現比對之前堪稱脫胎換骨，單Win及組合獨贏A3，分別派255及28.5元。
「主力艦」同時見證何澤堯同蔡約翰季內首度合作贏谷戰，而且前四名都係冷門。當中跑第二的「勝利雄心」雖係落飛馬，但都有16倍，三、四名順序10倍「騏名燈」及22倍「智高星」，四重彩派53萬幾，爆到杰撻撻！

1 評分次數