雪撬

今日好榮幸由我HuskyChan同大家評述一場雪撬大戰賽事，先介紹兩位參賽者:

畫面右攻左著黑白色衫既(1)號參賽者係小賓賓，

而畫面左攻右著黑白色衫既(2)號參賽者係波少...

賽事一開始，小賓賓就俾波少逼左埋牆角~



雙方動作暫時都好施文吓....不過波少好似處於上風



雖然小賓賓體型同經驗都比較輸蝕，但係已經見到佢靜靜雞咬住波少面皮唔放...



大家請留意賓賓的神情，佢其實已經狠狠咬中左波少弱點...

就o係呢個時候，波少忽然開始發爛!!!

鏡頭一轉.......



波少已經將賓賓撞跌左~!!!!嘩~賓賓好危險呀~

賓賓拼命掙扎~



只見波少得寸進尺，用口將可憐又可愛的小賓賓下半身成隻擔起!!!!!!!!!!!!!!!!
波少你小心得罪賓賓d Fans喎~!!


咦?忽然現場傳出一吓怪聲....?




小賓賓忽然企左起身~非常有氣勢~!!!!!!!

Camera man 唔該快d Zoom 埋去睇睇!!!



只見平時得意可愛的賓賓...突然露出猙獰面目

波少當堂嚇傻~!! 仲腳震震即時閃人...



小賓賓得勢不饒人，仲捉住波少唔俾佢走人~



呵呵~波少陣腳大亂，頓時處於下風!!!

小賓賓食住波少唔放....? 咦? ....咩事波少忽然面色大變!?



嘩~原來小賓賓突然痾"唔唔"，唔知係咪佢太緊張關係? 定係計謀o黎既呢??



波少即時士氣大跌? 小賓賓繼續咬佢塊面.......

仲咬到成隻跳起



就係呢個時候，波少竟然絕地反擊!!!!!!!!!!!!!



賤肉橫生既波少，將賓賓再撞跌，黎一招大石責死蟹!!!!



好彩小賓賓臨危不亂，洗出一招狗尾腳撐開波少~!!!

形勢非常險峻，現場忽然好靜，佢地怒目互啤呀!!



賓賓突然大喝一聲! 再次洗出絕招"猙獰面目"~!!!


堂堂男子漢的波少，即時戰意崩潰......



反肚兼宣佈投降...............賽事終於結束，由可愛又猙獰既小賓賓勝出。


:smile_14::smile_14::smile_14:



=================== 本篇完，多謝收看。===================