約三個月前,我曾經出過一篇文,大概係提及我對利物浦前景既憂慮,我當時認為要再奪得聯賽冠軍,會係出年甚至後年既事;如今球季只係剛剛起步,有d 說話可能係言之尚早,但係我不得不講一句,我地真係好強,聯賽冠軍既夢想可能今年就要實現
今年係轉會市場引入左唔少新既球員,新球員比想像中更快溶入球隊,更快適應英超,部份新兵既表現更令人擊節讚賞,拍案叫絕;
賴恩巴布-
季初不乏上陣機會,雖則整體表現仍有待改善,但係間中一傳一射已顯示出佢既功架,上將對DERBY 射入既一球更證明佢既質素係不容忽視
禾路連-
當初佢加盟既時候,有唔少球迷都質疑佢既能力,面對住激烈既競爭,佢既出場時間唔算太穩定,不過佢既效率相當可觀,根據官網既資料,截至今日(9月3日),禾路連替利物浦上陣4 場比賽,已經射入左3球
費籣度托利斯-
佢轉會既時候都曾經出現過唔少爭議既聲音,大至係驚佢會出現適應上既問題,不過睇左幾場,佢既表現真係精彩絕倫,令人睇到血脈沸騰,對車路士同DERBY 取得既入球,顯示出佢既足球智慧同細膩腳法,個人覺得佢頭槌跳頂既時間亦都同樣出色,有咁既世界級前鋒在陣,真係令人振奮,相信大家如今都會覺得王子呢筆龐大既轉會費係物有所值
賓納表現日趨成熟,斯素高持續進步,而艾比路亞助攻助守亦同樣出色,筆者係非常喜歡懷斯呢位球員,但係睇左幾場,都認為艾比係絕對值得一席正選席位;現時球隊每個位置都有充足既兵源以作替補調動,不得不提係陣中唔少球員可以出任兩個位置或以上,咁樣令陣容更多變化,領隊調動更加靈活,更具彈性;球隊之前既作客病似乎略有改善,面對壓迫性既踢法亦都表現可人,個人覺得利物浦已經出現一股令人畏懼既銳氣,一支冠軍球隊不能或缺既霸氣
展望未來,球隊陣容尚算年輕,新舊球員交接問題亦見樂觀,中前場面對既問題應該不大,令人關注既應該係馬斯查籣奴既合約問題,如果可以係借用期完結前或後買斷佢既合約,對紅軍既前景將會有莫大既幫助;另外中堅位置方面,如果可以再次覓得艾加呢類潛質優厚既球員加盟,對球隊未來既發展會有著正面既影響
PS:寫文既呢一刻心情仍然相當興奮,追左利物浦幾年,從未試過覺得我地同聯賽冠軍係咁接近,只要冇重大既傷兵問題,話唔定今年可以成為英超冠軍,甚至再次踏上歐洲之顛,六奪歐聯呢:jump:jump |
發表於 2007-9-7 12:15 AM
| 