好明顯後防ge問題出係艾加受傷，進攻問題出係艾朗素受傷。
季初打得甘好，點解突然間跌得咁緊要，就係因為呢兩位主將受傷，睇希比亞 表現不難睇出點解冇艾加唔得，而艾朗素就需要有d考究。
唔知你d有冇發現，盧卡斯上場之後，個中場會順佐好多，即係個節奏唔會咁急，用波多佐，上一場係，呢場都係，拋開上一場盧卡斯博到十二碼唔講，佢上場之後，中場明顯冇咁多斷纜，呢場，佢上場之後利記將謝仔推上去衝鋒，盧卡斯係後面組織。
之前有幾個謝仔組織既畫面唔知大家有冇留意，佢係中圈附近控住個波揾人給，係作勢想直傳，但係冇空位，謝仔係自己推橫個波，硬推上去，結果斷纜。多數艾朗素或者盧卡斯做組織既時候係會揾返d隊友駁腳，雖然個波都會回到艾朗素或者盧卡斯腳下，拖慢佐個節奏，但係唔會ga硬塞個波上去，造成斷纜給人打反擊。
所以話艾朗素唔係到，逼使謝仔要退回一格做組織，個中場顯得急佐之外，前面仲少佐個衝鋒既人，如果對阿仙奴，艾朗素可以複出並恢復狀態，咁最好。如果未能複出，不如推盧卡斯首發打組織，搭多個防守中場，給謝仔上去衝鋒。 |
發表於 2007-10-25 12:52 PM
| 
