對於近期0既利物浦

英超球季不知不覺已經開始0左大約三個幾月, 球隊0既成績現階段可以話係高不成低不就...
英超排第五, 歐聯出線危危乎, 令到論壇上出現好多好多分歧....單單呢三個月, 施素高, 古治, 高治, 什至係高高在上0既賓尼迪斯都有好多反對聲音...其實佢地, 利物浦係咪表現得咁差, 呢d反對聲迫又係唔係合理呢?

壞0既唔好講, 先講好0既....
今季球迷對利物浦0既期望大增, 唔多唔少都係因為佢0既加盟 ----- 費蘭度扥尼斯!
佢0既轉會費有傳過係二千萬, 二千三百萬, 什至係二千六百萬, 總之係一個巨額收購.  佢加盟0既時候, 無球迷懷疑過佢0既質素, 但係每一個都擔心佢能唔能夠迅速適應英超...結果, 一個又一個高質素0既入球, 加盟不足兩個月0既帽子戲法, 將球迷所以0既擔憂一掃而空, 更加成為球迷心目中0既必然正選!

但係好景不常, 呢個時候, 球隊偏偏遇上謝拉特0既低潮, 艾朗素同艾加0既傷患影響, 令球隊0既成績未能再創高峰. 反觀阿仙奴, 失去主力亨利, 竟然表現更好!  球迷見到呢個情況, 個心都少不色有點兒心酸.....

但係各位, 我地需要擔心d乜野?  利物浦依家正經歷近幾季最佳開局, 12場不敗, 作容啞火問題全面解決, 難道呢一切一切, 都唔值得我地去高興?  反而論壇呢度每日怨聲載道, 又話要賣古治, 高治, 又話要炒賓尼迪斯.... 哈, 大家未免太善忘啦!

古治, 上賽季射入12球, 當中唔少高質素入球, 一度成為球隊0既入球希望.  但係依家, 只係有三個月低潮, 就要將佢變賣?
仲有高治, 每一個賽季都有進步, 見到佢頭球質素慢慢提升... 但係球迷竟然因為佢有低潮, 呀! 唔係, 係因為缺乏上陣機會表現自己, 就要將佢變賣...真係荒天下之大謬.....
去到賓尼迪斯, 我地0既冠軍教頭, 拎番我地失落0左二十年0既歐聯將盃, 三年入兩次歐聯決賽, 仲要今季成功帶領球隊步入我地最佳開局, 依家竟然要炒佢...咁我地同阿布又有咩分別...

球迷們, 清醒d啦, 財雄勢大如車路士都要兩個賽季先得到冠軍, 強如雲加都要三四季先可以做出一隊有力爭標0既阿仙奴...
名氣大到好似禾確特都要兩季先漸入佳境...點解我地唔可以俾多d時間我地0既球員, 同領隊呢....
短短三個月, 我地未免太少時間啦, 大家俾d耐性, 我相信離紅軍稱霸英超日子不遠!

1 評分次數