對賓SIR排陣同換人之我見

首先我會見到有球迷會批評唔應該用新人賀比斯.而事實上大佬希年紀已經唔係十八二十,艾加身體狀態純屬疑問之際,比希比亞多D時間休息以備戰往後既魔鬼賽程是可以理解既事情.而賀比斯踢得十分穩定,並無什麽出錯,從結果上睇我會認同賓SIR呢個舉措.

正選陣容陣式又係受好多利迷插既一個環節.從賓SIR角度上來講,其實可以話係排出一個較強既陣,以寄望可以在較早時間確立領先優勢,下半場可以比部分球員得到休息.呢點我覺得球迷理應明白.至於是否應該采用一個較為正常既442,而並非用呢個類似433卻又似442既陣式,就見仁見智.總體而言呢個出場陣容既效果絕對唔算話好好,但亦完全唔算好差.

其實有幾樣事情其實算係比賽中超出賓SIR意料的.例如雷丁能夠較早段憑借一個有爭議既12碼打開記錄,又或者幾個可能存在既12碼都無比到利記,一次中眉一次中柱,都算係唔好彩.

而將T9,謝仔同力查都換走,我認為T9或許可能係因為受傷問題而換落場(雖然我希望他係戰術性地被替換),而至於謝仔被換出場,見到謝仔被換落時果個表情,我有理由相信賓SIR是係一早有一個0係某個時段就將一D重要球員換落場休息既準備.對拖肥果陣當中謝仔比人換落果陣時係完全唔一樣.記得當時佢表情都係幾茫然.

至於大佬希換力查,純粹係避免力查拿多面黃牌缺席對曼X.

事實上如果你問我今場利記踢得係米差,我會答你:我唔覺得.三個失球都算有一定既偶然性.12碼唔需要多講,第二個失球亦唔係自己出現什麽太大既漏洞比人入波.而第三個失球係呢頭謝拉特唔入,果頭比人打反擊.進攻方面中兩次框,又創造左都幾多機會,應該要做既事情都做左了,除左進波之外.站響我既角度,如果T9果下無咩事,我都仍然對利記前景頗為樂觀.

2 評分次數