現時失分較多, 但始終12月-2月份往往是我地攞分最多的時期. 賓sir未會咁快放棄.

puma8811

睇完星期日兩場波，唔得唔承認我哋唔係聯賽冠軍隊。

凡親係冠軍隊都有一個共同的獨有特質，就係『應該失嘅波→唔失，無可能入嘅波→入到。』(燈神桂名句)，星期日我哋同車仔就做唔到，而曼聯同阿仙奴就做到。

你睇吓我哋同曼聯場波：
     曼聯龍門暈撻沙成場波慌失失，甩甩溜溜，鬼咁肉酸
     一對中堅高章費淨係識得，合埋眼猛咁撞自己嗰partner圍敵，好笑過周星馳啲戲
     布朗輪流被基維爾、懷斯、巴布同埋奧拿里奧係咁玩，過完又過，當佢冇到
     一對防中顧住死命夾手夾腳，阻住隊長謝拉特攞波，使到馬斯查蘭奴係曼聯嗰後場鍾意做乜 就做乜
     屍朗成場波都冇波踢，响前場等波等到差啲冷到肺炎
     疤面佬如果唔係入咗嗰個波，你覺佢有份踢場波咩？
     我哋嗰托利斯一個人射門嘅次數就多過晒成隊曼聯，已經冇計基維爾、巴布、隊長嗰啲嘞
結果係點？曼聯踢成咁：非常唔好彩淨係贏得我哋一粒，好運少少分分鐘已經贏到0:3。

睇埋車仔嗰場，有邊個可以估到：
     施治呢個世界頂級門將會甩手，仲甩到咁騎呢
     菲臘斯門前兩碼無人看管會射斜
     舒夫真高20碼重炮會被艾矇你呀救到
     最慘就係米基爾嗰球禁區邊人隙中突然使出無影腳，但都被艾矇你呀救到，服未！

你話咁代表咗啲乜嘢呢？球員質素？領隊功力？臨場應變？把握能力？奮鬥心？體能？球迷支持？唔該你話我知。

作為一個利物浦死忠，最傷心唔係一次又一次輸波俾曼聯，而係要承認無論我哋使咗幾多時間同埋金錢，用咗幾多人力物力，到頭來發現我哋從來都唔係冠軍隊，而衹係配爭第三，第四名。

沙加

『應該失嘅波→唔失，無可能入嘅波→入到。』经典！这就是足球！