今晚有多場英超畀大家選擇，Peter都有兩場心水，即刻同大家分享。紐卡素主場鬥富咸，「喜鵲」上仗逼和伯明翰，雖然整體表現依然唔合格，但球員鬥志仲度，目前紐卡素僅比尾三保頓多四分，如果再唔爭氣，隨時被捲入降班漩渦，未來場場都會當決賽咁打，呢次鬥尾二富咸，對手不擅作客，而且狀態又曳，紐卡素抱必勝決心，憑主場之利，主勝有1.85倍可以一試。
維拉夠穩追殺黑貓
另外阿士東維拉主場鬥新特蘭，亦宜取主勝。「黑貓」班波人腳平庸，雖然領隊堅尼為球員注入無限鬥志，但球隊攻力實在太曳，好似上仗鬥車路士，雖然有頗多攻勢，但埋門一腳冇料到，最後都要輸波而回，踢波入唔到波，注定冇運行。阿士東維拉本季長期保持穩定，佢亦要爭分上前列，今仗贏得。
再講英超，上輪聯賽熱刺同車路士打得燦爛，雙方各入四球，熱刺表現的確唔錯。不過，目前熱刺於聯賽已冇好爭，唔好諗住佢會場場都咁搏，對勁旅可能落多兩錢肉緊，但對中、下游球隊，分分鐘流攤。今晚主場鬥樸茨茅夫，客軍都有英足總後顧，雙方戰意不明，建議球迷呢場忍手，不掂為妙。 |
發表於 2008-3-22 11:43 AM
| 
