[潮流物品] 時光機海上飄！DING DONG 宅配便第二彈再推叮噹精品

nt1972

每年暑假多啦 A 夢都有新一輯的大電影，相信又會掀起新一輪多啦 A 夢熱。而 DING DONG 宅配便亦都承勢推出多啦A夢第二彈夏日系列，當中最特別的是你可以像大雄一樣，擁有一部屬於自己的時光機啦！今次夏日系列的所有產品將於 8月7日（星期五）早上11時 正式於 DING DONG 宅配便 開賣，粉絲們準備啦喂！


▲ 呢部時空機不但以時光機為設計藍本，更是按漫畫的實物比例製成，夠晒真實！


▲ 充氣浮床的設計非常精細，連操控桿都有呢！


▲ 雖然呢部時光機唔可以帶你去時光旅行，不過就可以坐住佢來一次海上旅程。



▲ 呢部時光機咁真，喺咪好想要一部呢？不過因為佢製作同檢測過程需時，未能短期內大量生產，所以首批只有 100 部，每部 HK$1500，要買就快啦！


▲ 夏天當然要同陽光玩遊戲，呢套沙灘百寶套裝就啱晒你！隨意門剪裁沙灘毛巾連沙灘袋都喺 HK$390。無論玩完水抺身定喺當沙灘蓆都得。


▲ 喺沙灘玩飛碟就最好不過，用呢兩款多啦A夢同豆沙包飛碟就一定百發百中。


▲ 多啦A夢食豆沙包個樣非常得意呢！每隻 HK$100。


▲ 曬到熱辣辣，不如食支雪條消消暑。呢套 HK$220 的鈴鐺 ﹠多啦 A 夢造型的製冰球就可以俾你自製果汁冰、果凍和朱古力。

[/url]
▲ 單買多啦 A 夢製冰球 HK$150。


▲ 鈴鐺製冰球就 HK$130。


▲ 另外仲有 1套5款的徽章珍藏套裝，每套 HK$180。

[/url]
▲ 依家咁興布袋，想隨時扣都得啦！

[/url]
▲ 不過扣隻老鼠喺度，多啦 A 夢會唔會唔敢埋嚟？


▲ 買上面既精品，只要加 HK$40 就可以換購 MT紙膠帶一卷。


▲ 可以將所有物件都貼到滿滿多啦 A 夢呢！