子健講馬】紅旗飛將勁風對碰W

02754566

莫雷拉復出，加埋人氣超強的蔣嘉琦，令潘頓、柏寶，甚至郭能受注目程度大減，可能會更醒神。
第二場四班泥地1200米，「現代財星」、「勁風」、「執子之手」、「有禮」及「紅旗飛將」一再同場。
近績最好是「執子之手」，無跑六月五日同程留力等今場，隔近個半月，小休期間操練無間，埋門落埋草地跳，擺明車馬想再用，唔敢飛，但唔會博Ｗ。
最有權殺低佢，（一）是「紅旗飛將」，單看表面，自升上四班後無再上名，其實完全唔真實，一係操練程序欠完整，二係輸在亂跑或形勢唔就，上次全程走四、五叠點會蝕得起？今次抽一檔條件變晒，希望有番心機認真跑一場，有得博！（二）「勁風」，二、三月尾兩度不敵「執子之手」，單計負磅來回數，由讓18磅拉近至十磅，排二檔又好跑，亦有得諗。