[潮流服飾] 巨聲孖仔　揀皮褸爭上位

大孖周志文於《超級巨聲》 30強前止步；細孖周志康順利進入30強後被叮走，於復活賽亦翻生無望。不過塞翁失馬，靚仔大細孖深得民心，細孖阿康更在「我最喜愛的超級巨聲」網上投票中，以八千多票長居榜首，遠超仍在比賽的對手，輸了比賽卻贏了話題。今日跟孖仔去古着舖美華氏，大孖阿文話男人一定要有一件屬於自己的皮褸喎！啱晒，家陣美華氏皮褸買一送一，買一件都有半價，索性提早來個聖誕大特賣。

(左）周志文：黑色 Zipper皮褸 Jacket$698、黑色格仔恤衫$399七折價$280、黑色 Levi's 501牛仔褲$399、黑色Engineer Boots$998（右）周志康：啡色西裝皮褸$698、白色格仔領恤衫$299七折價$210、黑色 Levi's501牛仔褲$399、黑色軍 Boots$698
Profile周志文（大孖）　 20歲　文員經常參加歌唱比賽，後參加《超級巨聲》晉身 34強，跟細佬阿康手足情深，兩兄弟之間的感情為觀眾感動，留下深刻印象。

周志康（細孖）　 20歲　 Artist參加《超級巨聲》後，因靚仔外形而為人熟識， Fans眾多。最後雖未能回歸巨聲幫，但卻被 TVB羅致旗下，星途有待發展。

（左）周志康：啡色 G-1 Style皮褸$698、灰色 ARMY Tee$168、黑色 Levi's 501牛仔褲$399（右）周志文：淺啡色麖皮有帽皮褸$698、藍色 Vintage Tee$78

黑色 A-2 Style皮褸$1,598、黑白色 Western Shirt$298、黑色 Levi's 501牛仔褲$399

精選皮褸買一送一
周氏兄弟一件衫兩份着，本來已經無衝突，但走到美華氏，他們兩兄弟對店內過百件古着皮褸愛不釋手，揀完又揀，試完又試，終於選擇太多揀唔落手。而且始終古着只此一件，點算呢？唔使怕！由即日起一星期美華氏店內精選皮褸買一送一（以兩件價錢計算，送較平一件），就算揀唔啱兩件，買一件亦有半價。既然學大孖阿文話齋男人必定要擁有一件皮褸，現在免費送多一件又何妨？

■黑色四十年代馬皮皮褸$1,998買一件半價$999

■深啡色麖皮 G-1 Style皮褸$698買一件半價$349

■啡色七十年代 Western西裝褸$1,598買一件半價$799

■紅色七十年代短身皮褸$698買一件半價$349

■ Levi's A-2 Style皮褸$998買一件半價$499

■ Levi's淺啡色麖皮皮褸$998買一件半價$499

靚衫孖份着

■兩兄弟各有眼光，在服飾配襯上亦會給予對方意見。

兩兄弟於 Facebook的 FansGroup有接近三萬人，面對粉絲越來越多，形象打扮有甚麼方向呢？細孖阿康話：「我哋會嘗試不同造型，斯文會試、Casual又會試。」不過兩位都異口同聲話鍾意 Slim Cut打扮多啲。大孖阿文話：「我好鍾意 SlimCut皮褸打扮，而且穿上獨特的皮褸會有不同感覺。」平日買衫Share着，萬一遇到大家同時間想着同一件衫，就惟有猜贏者着，兩兄弟無計啦！看他們上台表演打扮有紋有路，那當時參賽的上台戰衣又是誰負責呢？「我哋兩個都會之前揀好一套上台比賽的服飾，大家互相給對方意見，不過最緊要服飾要配合歌曲。」兩位都話對時裝的接受能力很高，只要着得靚就會嘗試。靚仔、身形靚原來真係大晒！

男恤衫齊七折

■紅×紅白條子恤衫$399七折價$280

別人說細佬外表似曳仔，所以打扮上會較狂野，不過見過真人後，我認為大細孖同樣斯文有禮，說話談吐都不似廿歲出頭少年，事事客氣，唔該前唔該後，屬乖仔兩名。要為他們做 Styling，必定少不了一套斯文恤衫Look，看他們着起恤衫的帥氣樣，就不難明白「冧死女」的意思。要跟要學，係時候啦！美華氏全店恤衫包括 Ralph Lauren、CHAPS等名牌恤衫，就連男女裝 A&F Zipper外套、夾棉背心、冷衫等一律七折發售。