公仔箱論壇 - Powered by Discuz! Board

標題: 藍天白雲下駕馭寧靜 [打印本頁]

作者: nt1972 時間: 2010-7-20 06:39 AM 標題: 藍天白雲下駕馭寧靜

香港的藍天白雲越來越矜貴，幾日即逝，即使有機會將 LEXUS RX450h據為己有五天，但首四天不停下雨，心情跌入谷底。第五天終見陽光，決定去白泥走一轉！駕上這架養眼白色霸王，寧靜行車令我放鬆，車身散發閃耀白光，引來不少艷羨目光呢！

藍天白雲風騷之旅

將軍澳→元朗大發茶記嘆早餐→沿流浮山方向直達白泥深灣路是單線雙程行車，駕着龐大車身，避車一樣輕巧。

九毫一公里好慳油
以油電混合動力推動的 RX450h，雖然馬力總輸出達 300匹，但廠方提供的平均油耗只是 14.7km/L，心理上已覺得去幾遠都不怕油費貴，加上入元朗多行高速公路，經常以 ECO Mode行車，耗油顯示更可低至 15.5km/L，以每公升汽油約$14.2計算，大馬力的車只需約$0.9一公里，的確只有 Hybrid先做得到。除了慳錢又環保，極之寧靜舒適的駕駛感受亦值得讚賞，着車、停車及低速行車時，特別感受得到車廂那股份外的寧靜，令我更享受到這趟藍天白雲之旅帶給我的悠閒。

■車廂闊落坐得舒服，另設有天窗，抬頭便可看到藍天白雲。

起步加速慢慢提升
由將軍澳去到元朗嘆早餐，再往流浮山方向去白泥，車程前後揸足一小時，但軟熟的真皮梳化及定速巡航系統等窩心配備，令人不覺是苦差。速度方面，可以行 100km/h的青朗公路盡顯其力量澎湃的實力，可惜始終是混能偈，起步加速欠缺一點爆發力，力量輸送要逐步提升。去到目的地，其他人愛日落，我卻認為對住個大海曬日光浴才是樂事，白車身夠晒 Sporty，令霸氣十足的車身肌肉線條更誇張，我都覺得自己特別有型呀！

■司機位旁的手枕儲物格是為 iPhone而設，插住用免提聽筒 Fit到漏。

■充滿 Cyber味道的藍光錶板，感覺型到爆，是我最鍾意的設計。

■中控台設計不複雜，女仔都覺得簡單易用。

■女士主張舒適駕駛感受，定速巡航系統好使好用。

適合女士玩的四驅

■ LED白光低燈已光得驚人，環境幾黑都不用開高燈。

揸住部 RX450h，大部份女性朋友都問我：「揸車身龐大嘅四驅車有無難度？」起初我以為應付大架的 RX450h可能會較論盡，但經過單線雙程行車的深灣路，發現馬力夠、車高睇位易、暢順易控的軚感都幫到我輕鬆避車過彎，原來揸四驅車都可以好靈活，起碼唔會以為自己揸住部貨 Van呢！

■側鏡設計時尚，睇位夠廣闊。

■頂置尾翼加上閃燈，更搶眼！

LEXUS RX450h規格
引擎： 3,456cc V6配電動馬達
馬力： 248ps/6,000rpm（總輸出約 300ps）
扭力： 317Nm/4,800rpm
傳動： E-CVT電子控制無段變速四驅
售價：$613,860起（動感版）

歡迎光臨公仔箱論壇 (http://www3.tvboxnow.com/)