公仔箱論壇 - Powered by Discuz! Board

標題: 纖薄SoundBar組合無線低音勁爆 [打印本頁]

作者: nt1972 時間: 2010-7-27 08:07 AM 標題: 纖薄SoundBar組合無線低音勁爆

誰不想住幾千呎豪宅？但事實上大部分香港人只能住在幾百呎的單位仔，如果想在客廳放套5.1音響系統，隨時連梳化都要收在床下底。JVC最新SoundBar組合TH-BS7就慳位得多，採用超薄身設計，無論座枱或掛牆都同樣唔阻地方；更有支援無線傳音功能的超低音喇叭，既接駁方便，又慳位靚聲，冇得頂。

薄身慳位TH-BS7採用分體式設計，將擴音機由SoundBar喇叭中分拆出來，既減少了音訊互相干擾的機會，亦令喇叭直徑減至1.4吋；至於擴音機的厚度亦只不過1.2吋，無論座枱或掛牆都同樣慳位簡約。同時為減少接駁麻煩，超低音喇叭支援無線傳音功能，只需駁上電源就能自動接收來自擴音機的音訊，毋須拉訊號線，而且接收穩定，只要沒有太多阻隔，就算傳音距離達十多米，低音都同樣流暢砰砰聲。

音色清晰包圍全面雖然SoundBar喇叭的外形相當纖巧，但已內置4組直驅式（Direct Driver）單元，外形呈長方，比起傳統圓形單元更慳位之餘，透過獨特的音圈設計及強大的釹磁鐵，令音色清晰通透，亦能提升包圍感。煲碟睇戲時，兩組單元會負責左右聲道，而另外兩組單元則會將聲音射向兩側牆壁，透過反射傳到用家後方，效果就好像後置喇叭一樣。支援Dolby Digital及dts解碼，提供180W總功率輸出，並設1組模擬、3組光纖輸入插口，同時接駁Blu-ray、DVD及機頂盒都冇問題。

音效測試試播《鐵甲奇俠》Ironman惡鬥恐怖分子一幕，槍聲及爆炸聲效表現得夠晒靈敏，包圍感雖及不上5.1，但仍能聽得出分明的層次，對白聲亦清晰自然。

規格表
中高音單元：直驅式×4
超低音單元：16cm直徑
總功輸出：180W
頻率響應：45Hz~10kHz

同場加映 TH-FT3小巧的骰2.1組合如果在書房用十多吋芒仔睇戲的話，可考慮2.1組合TH-FT3，基本規格與TH-BS7大同小異，同樣內置4組直驅式單元，最大分別是採用薄身的左右式掛牆喇叭，擺書房煲碟睇戲或打機啱晒。

UX-LS5V兼容強勁DVD音響採用纖薄機身設計，可掛牆或座枱，除兼播DVD及CD外，更備有iPod插座，播歌之餘亦能將短片及相片傳送至電視。同時設USB及SDHC插槽，聽歌聽到悶，隨時播片睇相都冇問題。為了提升畫質，內建增線晶片及HDMI插口，視訊可增線至1,080p輸出到Full HD電視，加上X-Bass增強低音功能，更震撼澎湃，睇戲或聽歌都咁啱。

歡迎光臨公仔箱論壇 (http://www3.tvboxnow.com/)