公仔箱論壇 - Powered by Discuz! Board

標題: 加千元嘆豪座8仔10分安全 [打印本頁]

作者: nt1972 時間: 2010-8-14 06:33 AM 標題: 加千元嘆豪座8仔10分安全

一張金牛可以做啲乜，換個潮電話好似唔多夠，但反而可以幫架車升呢，無錯！一向以價平級數高的 Mazda 8最近就大玩金錢遊戲，一張金牛由 Premium晉升至 Deluxe版，獲四項升級優惠，簡直係半賣半送喇！

千元升呢 Deluxe版
受到日圓滙價節節上升影響，近排日本車真的俾歐洲車砌到氣都咳，日本車當然要搵番啲着數嘢益吓大家，好似一向在 MPV市場有不錯競爭力的 Mazda 8最近搞咗個優惠，用一千元就可以由 Premium升級至 Deluxe版， Deluxe版當然不是得個名，而是包括四大升級裝備，包括前座及車側 10個安全氣囊、電動收摺後排座椅背、電動調節駕駛席及全車原廠真皮座椅。講到底，用一千蚊換足四項設備，真是半賣半送，每項優惠計埋都係幾嚿水，同送畀你無乜分別。

$1,000全車原廠真皮座椅前座及車側 10個安全氣囊電動收摺後排座椅背電動調節駕駛席

座椅坐得舒服

■銳利的頭燈設計，成 Mazda車的標誌。

雖然 Mazda 8推出都有一段時間，但勝在襟睇，完全沒有過時感覺，設備級數與同級車比絕對係頭幾位。單講外形，採用萬事得家族式鬼面罩配襯銳利頭燈，一貫萬事得風格，不過內櫳才是焦點，真皮座椅不算威，中排座椅配以 Super Relax Seats，頭枕及腳墊位都可自行調校升降，作為七人車，家人坐得舒適才是最緊要，不過好彩升級版都照顧到駕駛席的一家之主需要，電動調校的駕駛席，有時揸車揸得攰攰哋，挨低瞓一瞓，調校工夫都慳番不少。全車低地台設計亦屬窩心之舉，加上兩邊電趟門，上落車就更顯方便。

■藍光的錶板，科幻味濃。

■真皮軚盤，手感十足。

車價油費慳得多
至於性能方面， Mazda 8用 2.3偈，以七人車而言算是適合之選，不過最緊要是獲得政府認可環保汽油私家車型號，享有最高 30%稅務優惠，計番條數，車價足足平近兩萬，如果計埋慳來的油費，真的不錯。不過唔好以為環保車就無力水，載住一家四口入西貢走一轉，無論加減速都夠乾淨利落，不過雖有加減波功能，但軚盤撥片欠奉，稍為削弱駕駛樂趣。雖然七人車一向畀人感覺會老套，但 Mazda 8個儀錶板都下了不少工夫，以雙圓式設計加埋藍光，夠晒科幻味，抵加分。

■在個個要睇天幕的年代， M8天窗就稍嫌細小。

■木飾的中控台設計稍嫌老實。

■雙出式排氣喉，有啲氣勢喎！

■用 2.3偈輸出 163匹，於香港行車足夠有餘。

Mazda 8規格
引擎： 2,261cc直四
馬力： 163ps/6,500rpm
扭力： 20.7kg-m/3,500rpm
傳動： 5前速+/-自動波
售價：$299,990

歡迎光臨公仔箱論壇 (http://www3.tvboxnow.com/)