【本報綜合報道】曼聯下輪英超大戰車路士（十九日），費格遜就會超越球會著名領隊畢樹比，成為「紅魔鬼」歷史上帶隊時間最長主帥。服務超過廿四年，老費奪標無數創造「紅魔王朝」，但薪酬就遠遠不及莫連奴和卡比路。格拉沙家族終於識做，決定加老費五十萬鎊年薪，以獎勵佢忠心耿耿、功勳滿身。

鬥車仔之時，就係費Sir破紀錄之日。費格遜到時總共帶領球隊廿四年一個月十四日，正式取代畢樹比，成為執教「紅魔鬼」時間最長領隊，簡直係現代足球一個奇迹。

費格遜既忠心又有料到，但年薪只有四百萬鎊，同莫連奴等差一截。老細格拉沙總算有良心，於老費破紀錄前夕，宣布加佢五十萬鎊年薪，換句話說佢一年會搵五千五百萬港元左右。

另外，加利尼維利欲起《天線得得B》式環保屋搞咗成年，因為太過擾民而被鄰居群起反對，近日加利佬修改興建圖，並邀請街坊研究，但當日佢又耍大牌冇到場，被插冇誠意，都幾難令鄰居回心轉意。

原來仲有教練教左曼聯咁耐