公仔箱論壇 - Powered by Discuz! Board

標題: [新聞] 威爾斯小姐教國腳唱國歌 [打印本頁]

作者: excaliburs 時間: 2011-3-24 11:25 PM 標題: 威爾斯小姐教國腳唱國歌

有人話，男人有兩大死穴，一個係錢，另一個就係女人！威爾斯喺禮拜六晚就會對英格蘭，新帥史比睇得出陣中球星個個身家唔少，於是就出動美色引誘；目前成班國腳同緊個威爾斯小姐練功，不過唔好心邪，大家係練唱功啫！
外省人唔識廣東話喺香港都唔使旨意會搵到食，原來呢班威爾斯球員同外省人一樣，唔少都唔識威爾斯話，咁樣點代表威爾斯出場時唱國歌咪出晒醜？不過新帥史比就諗到條絕橋，立即請嚟2010年威爾斯小姐冠軍歌坦妮咸美頓坐鎮教唱國歌，令到成班大男人坐定定學唱歌！
呢位歌坦妮咸美頓大有來頭，除咗睇得之餘，亦出晒名係唱得之人，而且禮拜六晚仲會帶頭領唱！可惜呢場「英國內戰」喺香港並冇直播，如果唔係就可以睇吓歌坦妮咸美頓真人有幾大「殺傷力」之餘，亦可以睇吓班球員晚晚苦練可以有咩成果啦！

歡迎光臨公仔箱論壇 (http://www3.tvboxnow.com/)