公仔箱論壇 - Powered by Discuz! Board

標題: [新聞] 澤穗希加印自傳冧球迷 [打印本頁]

作者: lewistai 時間: 2011-7-22 12:14 PM 標題: 澤穗希加印自傳冧球迷

日本女足凱旋回歸後，一眾效力本土聯賽嘅球員，再次投入球會嘅練習，但當然受注視程度同以前好唔同，好似集冠軍、金球獎同金靴獎得主嘅澤穗希，佢同其他 6位冠軍成員返回效力嘅 INAC神戶首課操練，就吸引咗近 500人入場。 INAC神戶亦唔放過世盃冠軍熱潮，決定喺嚟緊嘅周日鬥千葉嘅收費賽事，頭 300人免費入場，仲推出一大堆同當地店舖合作嘅優惠添。至於人氣勁升嘅澤穗希，亦非常醒目，將 08年出版嘅自傳再次加印，等更多球迷知道佢嘅成長經歷。至於其他冠軍成員，好似千葉懸出生嘅宮間綾同埋丸山桂里奈，就獲頒榮譽民獎，同樣獲得重視。
另外，日本女足贏咗世界盃，但獎金之少引起不少迴響，作為長期贊助日本國家隊嘅啤酒同飲品生產商麒麟，當然唔會待薄呢支世界冠軍，決定向每位球員派發 100萬日圓嘅冠軍獎金（約 10萬港元），以肯定女足成員喺今屆賽事嘅表現。

歡迎光臨公仔箱論壇 (http://www3.tvboxnow.com/)