公仔箱論壇 - Powered by Discuz! Board

標題: [討論] 富咸對阿仙奴赛前分析 [打印本頁]

作者: mysteryray 時間: 2012-1-2 07:46 PM 標題: 富咸對阿仙奴赛前分析

本帖最後由 go2david 於 2012-1-21 12:46 PM 編輯

英超快車今晚壓軸有倫敦打吡好戲，由富咸主場迎戰阿仙奴，「兵工廠」射手云佩斯要喺亨利回歸前，騷哥利證明自己「高貝利新王」地位，對住畀佢哋恰慣嘅富咸3分穩執。
季初表現平平嘅「兵工廠」，自從10月中開始發力，近12場聯賽取得9勝2和1負佳績，排名亦坐直升機上升到第4位，重返爭標勁旅行列。球隊士氣一流，近期客績更勁到冇朋友，近5戰取得4勝1負，唯一贏佢哋就只有富豪球會曼城，就連車路士喺史丹福橋都奈佢哋唔何輸3:5，今晚去到卡雲農舍球場根本冇有怕。阿仙奴上仗聯賽主場以1比0擊敗昆士柏流浪，近3場聯賽2勝1和。球隊今仗有華美倫加入傷兵名單，而基蘭基比斯、安德里山度士、沙格拿及贊堅臣都受傷，無法上陣，韋舒亞則告在2月復出。

再者，「兵工廠」喺英超可謂食住富咸，歷來21次交手取得15勝4和2負，勝率高達7成。雖則話將以借將身份回歸嘅亨利，今仗未能趕及披甲，但今年大熟大勇嘅云佩斯絕對能夠單天保至尊，佢啱啱先打破亨利個球會單年入球紀錄，今次趁住亨利回歸前，梗要盡顯身價，話畀大家知邊個先係隊中真正嘅「高貝利王者」。

冇錯，「兵工廠」喺連華美倫都加入十字軍後，後防令人擔心，但睇番近3戰只得2和1負嘅富咸，主場都要吞曼聯5蛋，又搵乜同阿仙奴砌先？仲有，富咸正選門將舒華沙養傷，大門可能要靠大衞史托達把守，始終唔夠穩陣，就算前線有安祖莊臣傷愈復出，都幫唔到幾多！富咸上仗聯賽作客和諾域治1比1，近3場聯賽無法取勝。球隊一對前鋒森莫亞及安祖莊臣都受傷，預計無法趕及上陣，其他傷兵則有舒華沙及基謝拉。

作者: mysteryray 時間: 2012-1-3 09:36 AM

英格蘭超級足球聯賽，阿仙奴在領先下要少踢一名球員，最終被主場的富咸在最後5分鐘連入兩球，反勝2:1。兵工廠上半場由哥斯尼頂入，先開紀錄。不過，中堅佐羅下半場兩黃一紅離場，阿仙奴踢少一人下，末段被富咸的薛維爾及森莫亞先後射入，最終輸1:2。阿仙奴全失3分，被車路士搶回第四位。

作者: firemic 時間: 2012-1-4 05:33 PM

佐羅真係垃圾中既垃圾呀,比人紅牌之後重慢慢行出場,一D體育精神都無

阿仙奴最大問題係後防技術,體力都唔夠

歡迎光臨公仔箱論壇 (http://www3.tvboxnow.com/)