公仔箱論壇 - Powered by Discuz! Board

標題: 爛劇王占美最新影評：《屍營旅舍》(非一般驚慄片,導演向近經典恐佈片致敬,含劇透) [打印本頁]

作者: jimmych2 時間: 2012-5-11 11:09 AM 標題: 爛劇王占美最新影評：《屍營旅舍》(非一般驚慄片,導演向近經典恐佈片致敬,含劇透)

當復仇者的《雷神》遇上喪屍會點?故事講五個老友鬼鬼相約去森林木屋宿營,其中一位係未操FIT成為大隻佬嘅雷神(Chris Hemsworth),點知齊齊遇到怪事,走投無路,逐個被殺,原來木屋地下有一班人,舉辦真人SHOW殺人遊戲,以為可以操控別人生死,點知最後作繭自縛............/ n6 ]; h/ C2 u% }* Q
就咁睇故事簡介,以為又係熟口熟面嘅美國B級恐佈片情節,但故事發展落去,其實會估你唔到(可惜,我睇前已知道哂劇情,少咗份驚喜-_-),當你以為男主角會執番身彩,冇事,點知無啦啦死咗,你以為已經死咗嘅人,又會喺之後出返嚟,仲有此片向好多經典恐佈片致敬,包括《奪命狂呼》,《舊年暑假搞乜鬼》《恐懼鬥室》,《貞子》,《喪屍出籠》,《殺出個黎明》,《心慌慌》,《小丑回魂》,《狼人》......總之總會喺套片入面搵到類似嘅劇情、人物、對白,呢類戲嘅FANS一定睇到會心微笑(片末,仲有《異形》女主角薛歌妮韋花(Sigourney Weaver)客串添!)% a! |6 K: Q' a/ z# C
好啦!點為之三重意義呢?呢套片嘅宣傳海報,係一間倒轉木屋,分三層,好似扭計骰咁,其實已經隱喻咗D嘢。
第一重>即係恐佈片的例牌角色與劇情。/ c* n3 U2 A7 m6 j
根據戲中解說：呢套戲五位男女主角,係代表型男(一般是男主角,領袖),純潔處女(一般是女主角,心地好),蕩女(指定金髮,要露點),運動家(也可以是頭腦清醒型,帶隊友出生天),呆子(騎呢古怪,行先死先),呢D都係美式恐怖片必備原素,而劇情通常係先死蕩女或呆子,男女主角就睇編劇,想佢最後先死,定係福大命大,最後出生天tvb now,tvbnow,bttvb7 f* j( @) z2 h9 K% o
第二重>恐怖片的製作人員
呢一點,戲中冇明示,但有暗示,喺木屋地下嘅秘密控制室,負責操控劇情進展,當樓上男主角話：「有怪物！我哋唔可以分開,要一齊逃走！」樓下,就會用一D方法,去影響佢哋,要佢地分開走,然後逐一被殺,仲有佢哋會話,蕩女一定要露點,否則「觀眾」會唔高興,而佢哋同一時間,會同全球各地嘅地下組織比賽殺人,代表同不同國家嘅恐佈片比較,好似入面透過CCTV,穿插日本課室有貞子,初時一班小學雞好驚,最後竟然憑住手牽手唱歌封印返貞子,跟住控制人員就話：「日本嗰邊,成日都唔會死人!成日贏！」暗寸日本恐佈片
第三重>電影觀眾
呢一PART其實交待得仲少,只屬隱喻,編劇初時佈局,主線係<恐懼鬥室X喪屍出籠》,但中後段就話,其實唔係殺人真人SHOW咁簡單,喺地下深處有「遠古神」,佢哋一定要齊上述五類人(型男,處女,蕩女,呆子,運動家)嘅鮮血供奉,否則就會破土而出,世界末日,而「遠古神」其實代表睇恐佈片嘅觀眾,一定要死得人多,夠核凸,先至滿足到,否則就會柴台,要求退錢,套戲唔收得,就係「世界末日」。
總結：此片係09年作品,塵封3年先全球上畫,當時男主角都仲未接拍《雷神奇俠》未開始操FIT,據聞曾經想過後期加工做3D版,最後都係2D版上映,幕後班底係當年拍《末世凶煞》嗰班)片長95分鐘,雖然後半後草草收場,但其實幾佩服導演,只係得個半鐘,可以交待咁複雜嘅情節。恐怖片迷必睇,保證睇到會心微笑!值B+TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。, C; e: Z! t/ p0 C# Q9 I
http://www.youtube.com/watch?v=lgrQ1Faxr7A

作者: clementlaulau 時間: 2012-5-11 06:08 PM

i wanna watch

作者: 84nicholas 時間: 2012-5-12 02:47 PM

不知道能不能拿金酸梅奖

作者: 醒目小子 時間: 2012-5-12 05:03 PM

唔敢睇住, 等 D 大大睇咗先再打算

作者: andyyoung 時間: 2012-5-15 02:29 AM

好似唔錯

作者: godrider 時間: 2012-5-16 11:03 AM

I wanna to watch but my spouse dislike Terrific Movie and so I might not have the chance to watch it in a cinema but later watch it on a small tv screen

歡迎光臨公仔箱論壇 (http://www3.tvboxnow.com/)