公仔箱論壇 - Powered by Discuz! Board

標題: 從技術層面以至心理質素去討論神奇隊長. [打印本頁]

作者: puma8811 時間: 2007-12-14 05:48 PM 標題: 從技術層面以至心理質素去討論神奇隊長.

對上十一場比賽入左十球既謝拉特可謂近況大勇,27歲既佢係唔係已經達到高峰呢?
過往既隊長,步大力雄既佢,剎那間推波殺入禁區既爆發力,如炮彈般既遠射,急勁既傳球都令人睇得賞心悅目,呢段時期既隊長我會用"剛猛"黎形容;而近兩季既隊長,我就會話佢"剛柔並重",除左保留以往既優點之外,佢係處理罰球既方法有更多變化,季初對維拉既一球對比以往既罰球別有一番味道,角球既技巧亦有所提昇,隊友更易接應,出任右中場或多或少對佢既傳中球有所幫助,對球賽既觸角更敏銳,更懂得控制比賽節奏,應收得收,應放得放;今季隊長替球隊處理十二碼既機會多左,雖則技巧上仍然有好大既進步空間,但係睇得出佢比以往操刀既時候更有信心,如果連技巧都有所改善,到時隊長就真係無懈可擊了

歡迎光臨公仔箱論壇 (http://www3.tvboxnow.com/)