公仔箱論壇 - Powered by Discuz! Board

標題: [潮流物品] $99 小米手環速試 [打印本頁]

作者: nt1972 時間: 2014-11-28 06:17 AM 標題: $99 小米手環速試

今年多款智能手錶、智能手帶推出，但售價再平都要幾百蚊，想平平地買來計步有咩選擇？最近「小米手環」就即將在港發售，只售 $99 價錢平比任何品牌都要便宜，究竟這條手賣咁平會有咩功能呢？

樣子普通夠輕夠耐用
一款只售 $99 的「小米手環」究竟會有咩特別？它沒有屏幕，感覺跟 Sony SmartBand 及 FitBit Flex 有點似。它設計都是「主體」及膠製手帶兩個部分，主體比較「大粒」，但表面用了金屬製令感覺不太「玩具」，佩帶上手腕亦唔覺重，而它亦支持 IP67 防水及超長 30 日使用時間。

▲ 帶上手感覺尚可，不重又唔覺太「玩具」。

▲ 主體可拆出隨時替換，其他顏色手帶亦可到小米官網購買，售價為 RMB$19.9。

▲ 跟其他手帶一樣須使用專用充電座。

唔止計步咁簡單
「小米手環」這個價錢淨係有計步功能已經唔錯，但其實它仲有幾個特別功能。首先，它能感應大家的睡眠質素，支持震動鬧鐘及來電震動，而更利害是還可用作手機解鎖功能（只限小米/紅米手機），所有功能及紀錄都可在「小米手環」 App 上設定或收看，用法同其他手環大致相同。

▲ 在「小米手環」 APP 可以看到步行數目及睡眠時間。

▲ 設定中可為自己設定目標由最低 2000 步到 30,000 步不等。除了計步，它還支援個別運動的計算，例如跳繩。

▲ 可設定用手環為手機解鎖，只要手環在手機附近就便可自動解鎖（只限小米/紅米手機）。另外，它還支援震動鬧鐘等功能。

▲ 除了「小米」及「紅米」手機，其他 Android 手機只要下載「小米手環」App 都可照常使用（日後更有 iOS 版本），但就會少了「自動解鎖」功能。

買來玩唔見咗都唔心痛！ Fitbit 智能手帶，純粹用來計數及鬧鐘都幾好用，但可惜手帶裝拆得多易損壞，配多條手帶又唔平（二百幾好似係）。現在「小米手環」先賣 HK$99，功能仲要比我之前的更多（多了解鎖），一樣都防水，而最重要是電池超級耐用，蛇叔用了兩日才少了 3%，變相減少裝裝拆拆損壞手帶，不過往小米官網配多條手帶先 RMB$19.9 約 HKD$25，就算萬一唔見咗買過都唔「肉赤」。

歡迎光臨公仔箱論壇 (http://www3.tvboxnow.com/)