公仔箱論壇 - Powered by Discuz! Board

標題: 左右逢源勇態喼到 [打印本頁]

作者: nt1972 時間: 2015-1-10 04:23 AM 標題: 左右逢源勇態喼到

對上一次泥草混合賽事，泥地跑道似利放，又啱唔晒，因有「真如燕」、「競駿才子」及「領先直前」後上跑得好，今次又會點呢？真係好難計得準，度馬時要有包底策略。

【第一場】五班泥地 1 2 0 0 米
上文所指的包底策略，是前置及後上各執兩駒，望能包得到；除了前日寫過，想博「愛頑皮」外，前置的加入「永得米」，中置後上包埋「彩球」及「龍城動力」。

「愛頑皮」今場換韋達再跑同程，雖然排九檔，由於一直預咗佢要追，唔驚得咁多，落班、換人變數已值得加入。

「彩球」六日前跑四班同程，若有睇片，或會同我一樣，覺得根本無點跑過，全條直路塞車，只輸兩個馬位，今次落番五班即換巫斯義， 1 2 0 0 磅大馬不必怕跑得密。

「永得米」跑法安全，休息期亦足夠，確是四平八穩，季內跑五班同程全入 O ，贏過「彩球」及「京城珍寶」，分量夠惡。

「龍城動力」上仗跑同班同程，無走勢，一來賽前工夫欠肉緊，二來落場跑慢閘後有如跟跑般，跑完復課才嚟料，跳得密，埋門更連拍兩課，足有一年無被安排拍跳，今次拍夠兩課，起碼展現誠意。

再數輪到「大家關心」及「履皇朝」，卻覺要博對手失準才能爭 Q ，只會作 T 腳。「年年好運」試閘似模似樣，出賽無次好，排外檔，唔信。「日月光華」韁口欠佳，沒甚進展。「南華勇將」繼續報 1 2 0 0 ，不似樣。「無敵龍」又是一匹情緒、韁口都欠佳的馬。「原始寶石」 1 2 檔蝕唔起。「上海先鋒」減分已夠晒，總不明為何不等谷草，過去跑 1 2 次泥地未上名，今次得都無計。

策略： Q 2 ， 3 ， 4 ， 6 互串。

【第七場】一班泥地 1 2 0 0 米
前置揀「輕彈錢笑」與「三和福將」，包兩匹後追的「同個夢想」及「左右逢源」。

WP 可考慮博「左右逢源」，狀態一直有喺度，出賽反覆不出奇，大前仗好起來，差點殺低「輕彈錢笑」跑贏「三和福將」，點會差？一班泥地 1 2 0 0 ，跑來跑去都是同一批馬，輸兩場換紀仁安，排三檔又唔差，可以博佢跑得番。

「輕彈錢笑」休息超過兩個月等今場，期間操練正常，怕唞得耐，上月尾安排試大閘，反映決心，跑法主動夠安心，若利前置，機會更高。「三和福將」對親前駒都無運行，今場排九檔，好大可能會被頂在二叠， Q 腳才會考慮。

「同個夢想」大前仗同程表現好，上次亦不差，連拼後操練不減，有試大閘，所以不計較周四無跳最後試跑，反正只是買 Q 的其中一選而已。「醒目精伶」處此組輕磅都略輸級數。「牛精好友」狀態始終差一線。「跑寶貝跑」已睇淡多時，評分過高不夠銳，有排減分。「夢幻十一」同樣如此，遇當銳對手兼抽外檔，無得賺。「歡樂時光」初跑泥地性能不明，試過六次泥閘，一再有好走勢，反而唔敢批死。

策略：博 4 WP ， Q 2 ， 3 ， 4 ， 6 互串。

貝連利有大樹遮蔭
「貝連利」上仗覺得可爭不穩，想不到用番留前鬥後跑法，威力強咁多，計段速非靠賺快步速，今次負磅加至 1 3 0 磅，有無影響，無疑要跑過才知，然而曾孭過 1 2 7 磅贏，希望影響不大吧！今場繼續有大樹遮蔭，或不致隔夜 2 0 倍咁好分，臨場有 8 至 1 0 倍都抵博。

歡迎光臨公仔箱論壇 (http://www3.tvboxnow.com/)