公仔箱論壇 - Powered by Discuz! Board

標題: 為食仔越來越弗 [打印本頁]

作者: nt1972 時間: 2015-5-13 05:02 AM 標題: 為食仔越來越弗

鄭俊偉走出頹勢，幾時輪到容天鵬及蘇保羅呢？真係唔知。近期谷草賽事，沈集成、文家良及徐雨石等華藉馬房成績幾好，今晚三廐各有惡馬列陣，要多加留意。

「為食仔」上場田草 1 6 0 0 米跑第二，今場換上莫雷拉，估計會成為大熱門，排九檔多數會留住追，只要今晚 B 欄 C 彎唔係無得追，以這場只有「神奇飛龍」與「駕善」會擺前走，步速有可能偏慢，外檔未必唔好，加上復課後狀態確越來越好，唔敢飛！

「神奇飛龍」與「駕善」於總場次 5 5 7 同程，分列一、三名，兩駒都賺慢步速，其實唔叻，不過這次有機會再賺；前駒今季只跑四場，贏馬後復課專注重養，埋門安排試大閘，操法與對上兩場相同，換羅理雅望能打叠好吧！

「駕善」周一朝大圈跳過表現仍好，上次搏輸，不覺有跑錯，只再顯示性能太均速，確略欠出頭板斧，然而今晚有機會再賺，買 Q 會預佢。

「騏名燈」上仗放頭跑，可以話唔啱，其實慢放至超過 1 分 1 8 秒都無 P ，又唔算太有藉口，這次揀埋佢原因，除了換潘頓外，再加埋晨課一直用開的防沙眼罩與頭罩，估計唔會自己帶，應會用番跟好位跑法，望會比上仗好。

「搖錢樹」試跑勢頭不及早前， 1 6 5 0 米也嫌短。「智高星」今季好沉。「真慷慨」上次臨場唔係好妥，出奇地緊張急躁，今晚要睇臨場。

「珍珠旺」 1 2 檔蝕唔起。「過關勇將」失望。「好勝煌」無起色。「赤膽」增程對手強。「喜寶天龍」未及水準。

策略： Q 1 ， 2 ， 8 ， 9 互串。

「飛神」加眼罩跑番谷草 1 2 0 0 米，排二檔，變數好多，近三場無一次排好檔，尤其是近兩場發揮都覺一般，跑完上次之後，復課跳第一課，已經加眼罩，翌日再安排考閘，睇得出有好大決心，想尋求突破，會跟埋呢次。

「紅海灣」早幾日已寫過，加眼罩作用好大，今次加至 1 3 3 磅，不能說無阻力，希望能持續好吧！

「忠心義氣」上周六賽前已指，排檔形勢轉變，好難蝕得起，也因而估計，會否因此出王牌打叠報名再跑今場，今次一檔條件由弱轉強，會揀番。

「慷慨寶」回師 1 2 0 0 米，部署正頭正路，表面排七檔不算好，睇真啲，內側快馬根本不多，肯搶有機會埋到內叠。「威威寶貝」近仗常近而無威脅，對其已略失望。

「中華寶貝」狀態持續轉好，只是無試快活谷大閘，初跑谷草賽事，適應性存疑。「罕曾見」上次直路確被夾過，但其後衝勢卻唔強。

「正是你」非短途馬。「舖舖順」賽前工夫尚算完整，上月中試谷草閘，走勢幾好，可惜排 1 2 檔，恐怕蝕唔起。「野孩子」升三班明顯唔夠跑。

「財神」進度有點反覆，抽外檔也揀唔上手。「馬狀元」一再缺課，遠離水準。

策略：博 2 WP ，Ｑ 1 ， 2 ， 4 ， 6 互串。

「馬飛龍」上次已鍾意，表面贏四班弱組，姿態卻顯然唔同班，此駒情緒不穩及心智仍未成熟嘅時候，已曾在三班上名，完全唔覺不夠班，況且今次同場只有三匹馬季內贏過三班谷草賽事，最重要是「馬飛龍」續配柏寶上陣，原庄配搭再跑贏馬路程，又繼續有錢分，一於再買多鋪。

子健：八場 6 馬飛龍
累積： 9 W 1 6 P 4 0 負（蝕 $ 1 1 9 . 5 ）

歡迎光臨公仔箱論壇 (http://www3.tvboxnow.com/)