公仔箱論壇 - Powered by Discuz! Board

標題: 美麗大師巨無霸 W [打印本頁]

作者: nt1972 時間: 2015-7-12 05:24 AM 標題: 美麗大師巨無霸 W

近日碰到老友及馬迷，他們都問：「你睇蔡約翰煞科戰可以贏幾多場？」，表面睇最少坐三望四，甚至有朋友更樂觀，且看如何！

第九場一班 1 6 0 0 米
「美麗大師」有得博，縱有「詠彩繽紛」在陣，賠率有差距，覺得前駒抵玩！秤條件，「美麗大師」無「詠彩繽紛」跑得咁密，小休個半月，以逸待勞，期間操練做得認真，試埋大閘，夠晒誠意，跑番威力最強的乾快地可捧盃而回。

「詠彩繽紛」唔係唔好，贏完隔四周再跑，時間表亦好，賽前亦有試閘，只是無分頭，又唔係無對手，買 Q 唔敢飛。

冷門睇「好加加」，已數次強調，覺得何良好似已收爐，但睇今次出賽馬，幾乎全都操足，這馬也不例外，埋門先在大圈拍跳，再被安排草地拍閘，近兩朝都有在大圈踱步，若無心博，覺得唔會操得咁辣！上次應搶而留，也只在「詠彩繽紛」一馬位後跑第三，今場再遇受讓 1 1 磅，排二檔，估計「魚躍鳥飛」多數會放，跟住跑，形勢正到痺。

「旅遊大哥」上仗同程贏得出色，埋門似少快跳，實際早在六月中已曾拍跳兩課，臨跑重養，對細粒仔有好無壞，買 Q 要拖埋。

「勝哥兒」上仗贏馬已完成任務。「隨心隨意」唔夠銳，孭重磅無優勢。「夢仙」季內搏得多。「貳寶」騎練少合作，覺得唔似樣。

「魚躍鳥飛」三、四及五月曾三度停操，體重大跌，唔樂觀。「勝飛」要博對手失準，否則限爭三至五名。「比卡超」嫌對手太強。

策略： 3 博 W 兼做 Q 膽，拖 4 ， 8 ， 1 2 。

第十場三班 1 4 0 0 米
「巨無霸」是今日另一匹會博 WP 的馬，上次蝕慢步速，直路交出全場最快末段，快達 2 1 秒 7 ，追勢好強，確認納回正軌，大摩無決定唞暑等下季，今場雖然又排外檔，但同場有足夠快馬，再遇不利慢步速機會不大，有權後上殺晒！

「辣得很」上仗同程遇快步速，不必力留跟得順，無搶口，跑出頗高水準，小休四周應足夠，早前睇佢在草地快跳，走勢好悅目，今場排三檔仍好跑，且看加七磅有無上次咁勁！「有心人」轉跑田草 1 4 0 0 米，不能說無難度，仍然會揀，全因近期試閘、試跑，表現實在太吸引。
「英明神勇」用黃皓楠減十磅，唞了兩個月復出跑 1 4 0 0 米，排一檔縱不自領也可守好位跑，居邊線。「當代沙皇」近兩場都有揀，銳開，揀開繼續揀。

「一馬當先」內側有「英明神勇」，外面又有「綻放美麗」，好難單騎領放，狀態亦唔夠銳。「齊歡笑」早前於弱組錯失黃金機會。

「綻放美麗」 1 4 檔早段焗搶，要用力，怕難埋尾。「金筷子」轉爭 1 4 0 0 米對手強。「香江永勝」、「金像神話」狀態平常。「幸運名駒」上仗慳位跑無威脅第三，水準不高。「海嵐一號」減分等下季。

策略： 8 買 WP ， Q 4 ， 6 ， 8 ， 1 0 互串。

精算突擊潘頓重視
「精算突擊」潘頓早在上年 1 2 月已接手操，可以騎都唔騎，前仗同程入 Q ，賽前大閘是由他試，最後無揀，改配柏寶，孭重磅遇超快步速，走二叠都頂到尾，賽績肯定堅，隔紗後，潘頓今次肯騎，賽前除親操四課（共跳五課），連出跳前，機坪熱身都做埋，呢次唔贏仲會等幾時呀！

歡迎光臨公仔箱論壇 (http://www3.tvboxnow.com/)