公仔箱論壇 - Powered by Discuz! Board

標題: 賽後評：七月十二日沙田十一場草地日馬 [打印本頁]

作者: nt1972 時間: 2015-7-13 05:23 AM 標題: 賽後評：七月十二日沙田十一場草地日馬

第一場：第二段快到 2 1 秒 9 4 ，放頭嘅「兄弟醒」黃皓楠經驗淺仲情有可原，但「有智者」鄭雨滇全程走二叠鬥燒兩敗俱傷，呢程跑法真難睇，在佢身上更係經常有！咁快步速根本乜馬都可追上嚟，形成包尾「團圓飛舞」、「精彩時機」輕鬆一 Q 返。

第二場：「金鎗俠」剛同程已試準，今場 1 2 檔敢兵行險着純粹贏級數。「威祥」 1 2 0 0 始終唔及 1 4 0 0 米正宗。「添歡笑」五班雖有能力但今季嫌跑得太多，唞唞新季初要吼住。「上浦勇將」衝力唔長谷草短直路較啱。「有料小子」應該係匹 1 4 0 0 米均速馬。

第三場：「軍功」問題馬終於交代，計質根本三班亦有本錢偷鷄。「明多多」典型四班頂三班尾馬。「翡翠紅星」早段唔夠速度，要加程至起到作用。「變出美麗」跑姿稚嫩都咁近，下季銀行馬。「衝鋒友」唔係短途馬。「樂有贏」中段如肯稍留會有 P 。

第四場：「彩福」熱身一場即到位，贏馬純粹恃質凌人。「共創輝煌」輸質素冇計。「飛廉之子」仲好嫩，計馬三班一定冇問題。「傲飛星」跑落冇進步似被高估。「僥倖」追入第三，初出三歲 PP 質素唔錯。「正是你」新季四班起步最少兩 W 在手。

第五場：「雷神寶」性能越見均速，新季加程企得穩三班。「甜城效應」四班雖有利但尺寸馬要考留放。「珍珠旺」谷草較有把握。「精算追擊」上場靠慢步速放入 Q ，質素未証明太多。「爪黃飛電」如肯換個有朝氣騎師一早已贏。「信心出擊」減夠分。

第六場：「綠野仙踪」加罩換雷神變另一匹馬，唔到你唔服！「索咖啡」蔡明紹又甩韁繩，如換雷神贏馬會係佢。「知道勝」黎海榮直路騎吓停吓，騎功真凸出！「勁福星」贏完縮程兵家大忌。「電子鳳凰」增程冇咗竄勁明顯路長。「琪麟穎」外叠蝕唔起。

第七場：「精算突擊」不利形勢下半力補中，能力提升。「帶盈來」最後 1 0 0 米羅理雅曲尺手，咁都得？「揮闖」入 Q 好篤定。「多個世界」成條直路冇望空過，今場唔作得準。「紅旋風」輕鬆追近，新季最少兩 W 在手。「財寶密碼」加程 1 6 0 0 米估計會更啱。

第八場：「贏男」險贏季內第四 W ，加分後應差唔多。「好主意」潘頓留放一絕都贏唔到，反映評分冇着數。「醉必勝」減分雖然多但 1 6 0 0 米實在嫌短。「星夢」早段嘥咗好多力，但終點前至力弱，新季三班跑 1 6 0 0 米好惡。「真好漢」均速馬有增程條件。

第九場：「詠彩繽紛」劣勢下贏季內第六 W ，全靠早段雷神騎出自己走，相反「好加加」早段唔放讓前駒埋欄，然後兜個圈走二叠，應贏變輸！「美麗大師」慢步速難追，有 Q 級數搭夠。「魚躍鳥飛」應放卻留？「旅遊大哥」、「隨心隨意」呢組馬輸卡士！

第十場：「一馬當先」以巫斯義級數頭兩段冇理由放咁快，益晒靠後追「巨無霸」外檔長驅直進！「有心人」直路如能早望空未必輸俾前駒。「辣得很」上場已交代，馬房亦甚少打叠好。「英明神勇」黃皓楠騎唔掂減十磅都冇甪！「當代沙皇」志不在此。

第十一場：「首飾太陽」三連捷輕鬆造 1 . 2 0 . 8 8 ，已具進軍級際賽實力。「華恩庭」黎海榮全程演繹衰過見習生，車前倒後有 Q 變第四。「天時駿駒」季內八次串 Q 準到你唔信！「日威夜威」休出仍第三，確認評分仲有空間。「天合」場場輸近減分慢難贏。

歡迎光臨公仔箱論壇 (http://www3.tvboxnow.com/)