公仔箱論壇 - Powered by Discuz! Board

標題: 大摩匆出馬稱霸 [打印本頁]

作者: nt1972 時間: 2015-7-27 05:37 AM 標題: 大摩匆出馬稱霸

剛季共有 3 0 9 匹匆出馬（距上仗 1 0 日以內）列陣，總成績 2 8 冠 3 3 亞 3 7 季，上名率接近三份一。今日會教大家點賭匆出馬，其中大摩部署有開表現之馬匹匆匆再跑例上名，如煞科日贏馬之「巨無霸」，新季可以繼續跟住呢條路賭摩廐馬。

練馬師安排馬匹打叠跑或隔一周再上陣，跑得咁密原來多數有計，事關剛季匆出馬之上名率高達 3 1 . 7 % 。講到部署匆出馬手法最易捉肯定係大摩，剛季摩廐共有五駒跑入前四名相隔唔夠十日匆匆再跑，全部冇 W 有 P ，再睇埋前季數據，三匹同樣跑入前四名後匆出之摩廐馬更悉數掄元，證明安排有開表現嘅馬匆出乃大摩撒手鐧。最佳例子有「巨無霸」，此駒於最尾兩次田戰打叠上陣，先入位後贏馬，新季見到摩廐近開嘅馬作相同部署記得要捧場。

此外，新勝馬匆出往往會乘勝出擊，翻查剛季共有 1 8 駒贏完隔一周或以內再跑，當中 1 4 駒上名，共獲四冠六亞四季，三甲率接近八成，如「御皇鷹」、「樂在其中」、「明威」及「勁綵」都係贏完匆出取得連捷。另外，有啲馬體力充沛，勤跑反而有好無壞，現役最佳例子係姚本輝馬房之「樂在其中」， 1 1 月 1 2 日入 Q 後，相隔一周匆出即贏馬開齋，贏完隔一周又再跑更順利連捷，至今兩次匆出都贏。另外蔡廐「勁開心」歷來四次匆出均不勝有位，新季見到以上兩駒於短時間內跑完又跑一定要捧場。

匆出馬宜忌

1 . 大熱穩陣（宜）
剛季共有 3 1 匹匆出馬捧成大熱，合共取得九冠八亞七季六殿，證明呢類咁快又跑嘅馬仲要捧到咁熱必定有計，投注 QT 及四重彩必須兼顧。

2 . 谷一哩旺（宜）
講到最旺匆出馬之路程原來係谷草一哩，剛季此程共 2 8 匹匆出馬列陣，交出五冠七亞三季，勝出及上名率分別為 1 7 . 9 % 及 5 3 . 6 % ，同屬各路程之冠。

1 . 老馬不宜（忌）
馬匹勤跑講求體力，故此老馬匆出表現一般，剛季共有 1 5 匹八歲或以上馬跑完相隔 1 0 日以內再跑悉數未能入 Q ，僅三駒跑獲季軍而已。

2 . 高班賽難（忌）
高班賽事競爭激烈，匆出馬難佔甜頭，剛季 2 5 匹同類份子列陣二班或以上賽事，結果未嘗一勝，尤其一班及分級賽事更加連 Q 都未入過。

歡迎光臨公仔箱論壇 (http://www3.tvboxnow.com/)