公仔箱論壇 - Powered by Discuz! Board

標題: 人哋受傷我發達！坐冷板騎師一下子變紅人 [打印本頁]

作者: nt1972 時間: 2015-9-6 05:14 AM 標題: 人哋受傷我發達！坐冷板騎師一下子變紅人

開鑼日 ( 6 日 ) 本來熱熱鬧鬧，但先有潘頓傷腳退下火線，繼而柏寶墮馬入院，兩大騎功非凡嘅澳洲猛將都唔跑得，梗係失色好多。咁邊個因此最得益呢？咦，原來又係澳洲騎師，本來只得三匹座騎嘅羅理雅，佢接手潘頓兩隻「秋月春風」、「眼光獨到」，以及柏寶一對「超群名駒」、「勁嘉輝」，一下子變成紅人策七駒。

姑勿論上述馬匹有冇實力，無端端多咗四匹座騎，而今季策騎費上升，每隻騎師收 1 , 2 5 0 蚊，四隻合共五千蚊，呢筆額外收入肯定已經賺咗，咁你話羅理雅係咪好有 luck 先？
當然，五千蚊只係濕濕碎，羅理雅額外四匹座騎中，部份根本好有分量，好似第二場「秋月春風」，今次角逐 1 0 0 0 米直路賽，原來呢匹馬曾九次爭四班直路賽，六次得亞軍，入 Q 率咁高，唔攞嚟做 Q 膽就笨咯！

仲有尾場原配柏寶嘅「勁嘉輝」，上季尾最後兩仗都拼入三甲，公認潛力甚高，質新馬唞暑後成熟更進，目前由柏寶試閘，後上反應強勁得季軍，一切已經試準晒，偏偏柏寶冇得跑，唔通整定羅理雅入凱旋門？

歡迎光臨公仔箱論壇 (http://www3.tvboxnow.com/)