公仔箱論壇 - Powered by Discuz! Board

標題: 爆炸糖渾身是勁 [打印本頁]

作者: 02754566 時間: 2015-9-8 07:36 PM 標題: 爆炸糖渾身是勁

韋達與雷神，周日開鑼立即各數三W，粉絲者自然冧到震，周三次回合轉爭谷氹，兩位紅人，昨晨我見，拉哥依然識得起早身，搏殺再連場，動態敢定肯。



禮拜天基哥中冷Q「閃耀鑽皇」搭「好好分」，吾兄覺得53倍實偏奀，小友唉聲嘆氣話有遺憾，鵬鵬哥冷箭排咗14檔，押注遂嚇親，叔父將佢教訓，季頭搏殺，態勇加能力，乜排位也值得擺銀。



5點10分已赫然見到雷神，過檔「隨心隨意」與「夢仙」都出自航哥營陣，近排分別試閘都醒神，愈有愈有，珍珠冇咁真，7時左右，沙田上空天陰陰，千八米草地開放之後，南叔看台搵「料」呆等，再過30分，方見「大寶庫」交畀雷神，整課草地半哩跳出46秒正快得驚人，但出腳靈巧令南叔萬元靚鏡睇咗用四字形容：何等吸引，省過嘉年華大閘，葉廐主報捷交代，決心無比在今勻！



孖寶射落方仔勇馬有迹可尋，閂閘耙地後重開，見「爆炸糖」由助手考驗八百米，開出30秒7、25秒4，沿途褪身拉緊，暗勁藏蘊勻全身，亦在嘉年華綵排10駒走位5 4 5，前四百米輕易快跟也如放路溪錢引死人，初次降班唔用郭能，一個筍盤益吓雷神。苗禮德谷中開鑼近年有頭馬向主人交心，呢個回合，「珍珠旺」再點着火藥引，還看8月21日朝泥閘愈衝愈勁，令本公印象入腦上心，近課拉哥應承寵幸，保證9檔也打真軍。

歡迎光臨公仔箱論壇 (http://www3.tvboxnow.com/)