公仔箱論壇 - Powered by Discuz! Board

標題: 賽後評：十月十四日快活谷八場草地夜馬 [打印本頁]

作者: nt1972 時間: 2015-10-15 04:49 AM 標題: 賽後評：十月十四日快活谷八場草地夜馬

第一場：「齊齊歡欣」一用雷神即贏，五歲馬未認真用過，開竅後仍可再上。「牛魔王」雖貼欄慳位賺咗，但馬亦有進步，馬房會交代。「快快贏」後上都得，一定好弗。「元豐泰」有前冇後，老咗得一段力。「欖球大使」等加眼罩就要買。

第二場：「公証揚聖」失準成性，落飛黨要獲利回吐。「大寶庫」險勝有點運，加分後咪填氹。「甜哥兒」一擊不中，又要等五班呢程。「糖黐豆」 1 8 0 0 以上先得。「跑贏大市」後追一樣勁，六歲馬仲有進步，下場可 W 。

第三場：「歡笑多多」轉倉即贏，多得上手馬房冇用盡。「紅旗福將」忽然又跑得好，腳有過事馬難過信。「好好分」係咁多料，買 W 慳番。「欖球鑽石」有好檔唔走搞到頭岳岳，大熱輸得肉酸。「快樂世紀」熱完身下次要睇。

第四場：「搖錢樹」今場贏到發巔一樣，似乎谷得好應，下場小心散晒。「勝風」馬房想轉過來谷草偷雞可惜遇上前駒，應會繼續跑谷草求交代。「勝利威」一哩好啲。「喜多屋」跟好位下冇，不可信之馬。「捷捷勝」仲未見真章。

第五場：「威先生」加個防沙眼罩即變身，四歲質新馬季內肯定仍可再贏。「氣勢如虹」出擊有心不敵前駒冇計，三班冇運行要四班先掂。「星光大師」一千短咗啲。「幸運戰略」冇乜本錢贏，立心落班仲好。

第六場：「金匯龍華」搶唔出留住一樣追得勁，大熟當銳馬三班留佢唔到。「牽動美麗」唔夠「誠信寶駒」衝，明顯有點老退！「皇者拍檔」中段發力唔上唔落，潘頓輸法同之前「方程式」一樣。「一見鍾情」熱完身，除番配備就到位。

第七場：「神舟小子」半條直路彈甩晒對手，進步神速，加八至十分仍可再贏。「越影」全面優勢下不敵前駒，進度問題，三班要贏唔難。「上浦猛將」仍然追得好，今季大熟大勇。「當代沙皇」下場沙田到位。「寶貝王」四班先有餐士。

第八場：「大威力」贏完過嚟谷草再贏，上手馬房練唔到，馬仍有好多分喺手。「常勝龍王」升班仍能入 Q 算叻，但已難 W 。「威利飛越」外叠衝最好。「皇牌」熱門輸場，下次換人有分頭會唔同。「紅駿」三班隨時贏得。

歡迎光臨公仔箱論壇 (http://www3.tvboxnow.com/)