公仔箱論壇 - Powered by Discuz! Board

標題: 賽後評：十月二十二日快活谷八場草地夜馬 [打印本頁]

作者: nt1972 時間: 2015-10-23 04:34 AM 標題: 賽後評：十月二十二日快活谷八場草地夜馬

第一場：「有情風」騎練把握機會再贏，升上四班行人止步。「飛霞」全面優勢都贏唔到，神都幫唔到，捧佢Ｗ要死心了。「有料小子」追得唔錯，下場可留意。「賞面」熱完身增程贏得。「星星的您」靠個一檔近。「搶鏡」唔係咁短馬。

第二場：「馬狀元」大冷上完名今場檔好都有 7 6 蚊 W ，多得「寶貝王」落飛，再跑落去要增程。「驍武」韋達私家馬上名全靠分大利，健康搞番好有得贏。「星之勇士」未夠，下場會更好。「果然醒」利休出，唞唔夠忌熱捧。

第三場：「騰煌」贏來較上場輕鬆，主要是對手問題，如升上三班最好睇場先。「歡喜」捱個第二全靠個檔。「旅遊一哥」再一次證明四班要贏都唔容易。「靚先生」下場巫斯義騎番會唔同。「至尊駿爵」四班要靠個檔。「回鄉更好」五班先郁。

第四場：「過關勇將」、「有意思」串到 Q 都係靠騎師，捧場前睇人。「金叻星」末段衝得最勁，馬好弗，三場內可交代。「勁勇威龍」守住個好位冇得衝，真唔明胡森想點。「杰歡騰」二檔跑二叠，明顯輸人。「永神駒」牌仔舞唔掂。

第五場：「彪形勇漢」係贏個莫雷拉中段肯走。「駿將」全程外叠下捱個第二算叻了，馬仍銳，排好檔仲有得贏。「盈豐駿駒」慳位得第三，三班冇乜惡氣。「上利多」唔似係咁短馬。「一見鍾情」起番，下場要睇。

第六場：「舖舖旺」潘頓騎上去爆，咁冷賠率都多得隻「善勝」，後駒捧到 1 7 蚊絕對過份，韋達今場亦可用跑到不知所謂嚟形容。「香江穩勝」入 Q 全靠搶出，亦要多得「薑餅人」騎師水，不然應第三。「好老友」唔係咁短。「愛寶」要減多幾分先得。

第七場：「為食仔」一擺雷神上去又贏，下場跑成點又係睇邊個騎。「牛精叻仔」落到大熱有啲唔值，個分盡盡哋。「根深柢固」衝贏「風采」搶一席第三，唔係騎師叻，係「風采」馬房水。「友誼大使」末段追得唔錯，一落四班又可予取予攜。

第八場：「直震撼」一心在此場靠質素來搭夠贏，結果被「馬上發財」憑輕磅先走偷到雞，前駒今季繼續進步，跑番沙田長直路可贏。「連利之星」未夠弗都上名，二班都唔睇得小佢。「喜喜寶」未夠弗。「天合」輸柏寶發揮唔順。

歡迎光臨公仔箱論壇 (http://www3.tvboxnow.com/)