公仔箱論壇 - Powered by Discuz! Board

標題: 包裝「飛卜」多粉絲 [打印本頁]

作者: nt1972 時間: 2015-10-27 04:58 AM 標題: 包裝「飛卜」多粉絲

自從社交網站發展愈來愈蓬勃，唔少明星名人都鍾意利用呢個新渠道同粉絲互動，貪佢方便快捷之餘，仲可以拉近人與人嘅距離。馬圈近幾年都開始興起呢個潮流，上季最佳短途馬「友瑩格」嘅Facebook專頁固然有唔少支持者，而另一個同樣搞得有聲有色嘅，就係「包裝」系賽馬專頁，短短時間吸引逾千個like，搞手之一「包裝」系掌舵人李運強細仔李文斌確實功不可沒。邊個話馬主一定唔肯同馬迷打成一片呢？

說到「包裝」系喜與馬迷互動，莫過於有新馬來港後，透過社交網站向馬迷諮詢意見徵求馬名，甚至會採用。就以今年包裝系引入兩匹加入孫達志馬房的生力軍V104及V174為例，後駒被李文斌視為爭取自己最恨贏的，每匹馬一生只有一次機會參戰打吡的秘密武器，他亦將改馬名的大事交由馬迷決定，早前他便在「包裝」系賽馬專頁叫馬迷集思廣益，為「包裝」系新成員改名，引起網民熱話，其中不乏具創意的提議「包裝雷神」、「包裝救兵」、「包裝大爺」等等。

打吡武器　公開徵名
最後V104暫定名為「包裝寶馬」，V174則叫「包裝天才」。Edmond表示歐洲自購馬V174約評80分起步，如適應良好，有力挑戰四歲系列賽，一圓他的打吡夢。連打吡武器個名都交畀馬迷提議，呢位馬主真係名副其實潮爆馬場。

歡迎光臨公仔箱論壇 (http://www3.tvboxnow.com/)