公仔箱論壇 - Powered by Discuz! Board

標題: 雷神大難不死有後福！沈集成締快活谷長勝紀錄 [打印本頁]

作者: 02754566 時間: 2015-12-10 12:17 AM 標題: 雷神大難不死有後福！沈集成締快活谷長勝紀錄

雷神莫雷拉加上兩位新舊谷草王練馬師，就此炮製出這晚第六場三班1200米連贏位！
主角莫雷拉同新谷草王沈集成首次合作「永旺年年」，四歲馬首戰谷草即贏，開出3.4倍次熱Win，組合獨贏開A1派14元正。雷神第三場策沈廐「上浦猛將」過終點後墮馬奇蹟零受傷，果然大難不死有後福。雷神連同頭場勝出何廐「得意財星」在內，個人憑一對華倉熱門起孖。
至於沈集成，更強勢完成谷戰11連勝，今季跑谷草佢馬房次次有馬贏仲未斷纜，勁到你唔信！
「永旺年年」季內由潘頓騎兩次都第二，這晚一轉谷草換雷神即勝，唔到你唔服，咁啱雷神仲要殺埋潘頓座騎，隸屬舊谷草王練馬師方嘉柏的「爆炸糖」，兩駒今場包辦15倍Q，亦係這晚暫時最熱的一條連贏位。
今場三、四名分別由田泰安同梁家俊策騎「猛將神駒」同「醒蹄飛」拎到，「醒蹄飛」213倍係全場次冷馬，四重彩結果派八萬蚊鬆啲。
沈集成解釋「永旺年年」轉戰谷草，是兩大高手莫雷拉和潘頓齊建議的，此馬之前自己打腳受了輕傷，因此缺課一段時間，現在健康回穩，很高興能為此馬重開勝門。

歡迎光臨公仔箱論壇 (http://www3.tvboxnow.com/)