標題:
賀 賢 姚 本 輝 又 激 鬥
[打印本頁]
作者:
nt1972
時間:
2015-12-19 04:05 AM
標題:
賀 賢 姚 本 輝 又 激 鬥
世 間 上 有 啲 巧 合 真 係 冇 辦 法 解 釋 到 ， 過 去 兩 次 谷 草 夜 戰 都 出 現 平 頭 馬 ， 先 有 騎 師 賽 有 「 千 真 萬 確 」 同 「 開 心 健 康 」 做 雙 冠 軍 ， 繼 而 星 期 三 有 「 火 麒 麟 」 同 「 哥 哥 仔 」 並 列 季 軍 ， 睇 到 呢 度 ， 心 水 清 嘅 馬 迷 就 會 發 現 呢 四 匹 馬 都 係 分 屬 姚 本 輝 同 賀 賢 馬 房 ， 兩 位 練 馬 師 居 然 做 咗 歡 喜 冤 家 ， 佢 哋 今 日 喺 第 四 場 同 樣 有 實 力 馬 ， 睇 怕 又 會 互 撼 。
呢 場 四 班 1 6 0 0 米 ， 賀 賢 隻 八 歲 老 馬 「 團 圓 飛 舞 」 喺 莫 雷 拉 胯 下 跨 季 五 勝 ， 做 咗 香 港 馬 圈 難 得 一 見 嘅 「 耆 英 神 獸 」 ， 匹 馬 喺 1 0 月 2 5 日 只 以 頸 位 之 差 贏 四 班 1 8 0 0 米 ， 贏 馬 姿 態 有 少 少 辛 苦 ， 賀 賢 當 時 好 玄 咁 話 ： 「 每 匹 馬 總 會 遇 到 盡 頭 ， 冇 乜 可 能 無 止 境 咁 上 。 」 「 團 圓 飛 舞 」 小 休 咗 個 半 月 ， 雷 神 喺 月 初 嘅 試 閘 稍 稍 推 騎 ， 隻 馬 仍 交 出 唔 錯 嘅 衝 刺 ， 似 乎 體 力 恢 復 得 八 八 九 九 。 雷 神 亦 話 匹 老 馬 保 養 得 好 好 ， 縮 程 跑 1 6 0 0 米 同 樣 係 首 本 路 程 ， 由 於 跑 利 跟 前 嘅 跑 C 加 三 跑 道 及 小 休 有 新 鮮 感 ， 應 唔 會 留 得 太 後 ， 趁 勇 連 捷 。
不 過 ， 輝 哥 匹 「 實 在 威 」 上 仗 跑 1 4 0 0 米 ， 大 半 程 墮 後 包 尾 ， 直 路 竟 然 交 出 全 場 最 快 嘅 2 2 秒 8 1 ， 衝 入 殿 軍 。 值 得 一 提 嘅 係 季 軍 嘅 「 精 算 博 奕 」 同 第 五 名 嘅 「 開 心 健 康 」 再 出 即 贏 ， 反 映 「 實 在 威 」 上 仗 水 準 唔 錯 ， 呢 次 增 程 跑 1 6 0 0 米 更 合 腳 法 ， 跑 法 亦 唔 會 好 似 上 場 咁 被 動 。 貝 諾 華 喺 晨 操 非 常 肉 緊 ， 經 常 親 自 考 驗 ， 已 經 摸 熟 馬 性 ， 加 上 「 實 在 威 」 喺 兩 周 前 嘅 草 地 試 閘 輕 鬆 勝 出 ， 四 歲 馬 步 入 成 熟 期 ， 睇 怕 呢 場 賀 、 姚 兩 廐 又 會 鬥 餐 飽 ， 唔 會 又 咁 蹺 平 頭 過 終 點 啩 ？ ！
歡迎光臨 公仔箱論壇 (http://www3.tvboxnow.com/)
Powered by Discuz! 7.0.0
