公仔箱論壇 - Powered by Discuz! Board

標題: 賽後評：十二月二十三日快活谷八場草地夜馬 [打印本頁]

作者: nt1972 時間: 2015-12-24 04:20 AM 標題: 賽後評：十二月二十三日快活谷八場草地夜馬

第一場：「南華勇將」輸兩場熱門今場 1 7 倍就爆，方仔每每有呢招。「上浦勇將」黎海榮發揮好過韋達，長勇馬有權會贏番場。「無敵劍俠」如非受阻應有 P ，但一定贏唔到。「甜蜜鑽石」跑谷草攞嚟輸。「兄弟醒」亂跑都近，田草可贏。

第二場：「喜多屋」終於開勝門，下場未必有咁好形勢。「大勇士」增程都係位置，只宜買 P 之馬。「勝利威」上場莫雅搏完散咗。「捷捷勝」貝諾華好努力騎，有機會省起下場要睇。「好腳頭」有番追勁，五班泥地可贏。

第三場：「財神」在莫雷拉胯下贏來猶有餘勁，加分後仍可再上。「威威寶貝」入 Q 全靠黎海榮走啱有利跑線；反之「舖舖旺」梗頸四輸李寶利走錯內叠衝得唔順。「人和家富」牌仔騎唔郁。「喜悅再來」實力唔高，勿因今場入圍而熱捧。

第四場：「珍珠旺」擺明贏莫雷拉，下場唔係佢騎咪掂。「一見鍾情」韋達騎到唔知去邊，衰過上場日本仔！「疾如風」長途馬跑到第三算叻，馬起咗可追。「信是有緣」省完呢場會更好。「常開心」等巫斯義先贏？

第五場：「滿堂紅」擺明唔同班，一擊中後升番班馬房未必急於一時。「好力煌」用韋達浸一浸人，下場柏寶騎番可贏。「驍武」雷神都係 P ，可以放棄了。「有情風」仍銳，但冇本錢再贏。「精益旅程」明顯想落五班先用。

第六場：「及時取勝」 1 1 檔都贏，馬房谷得好應，下場未必保持到。「星光大師」大好形勢都贏唔到，好明顯係鞍上人問題。「段段有」如非直路初段冇位頭馬會係佢，雷神肯再騎可補中。「快人一步」未見真章。「飛快叻」早段用力多咗。

第七場：「歡樂小子」爆冷受惠同場對手水，加分後唔到佢惡。「駿將」搏得多加上分盡，有第三算叻。「雄心巨龍」休出路短都幾乎贏，轉倉後好快可交代。「盈豐駿駒」跑得太密。「友瑩養」明顯想落班。

第八場：「神舟小子」繼續贏來輕鬆，當銳馬都要追到佢斷纜為止。「錢照收」亦銳，梁家俊發揮亦好，但質素會稍不及前駒。「貝連利」同程兩度第三，馬房會跑到贏為止。「開心神駒」輸蝕磅重。「活力寶」檔差未見真章。

歡迎光臨公仔箱論壇 (http://www3.tvboxnow.com/)