公仔箱論壇 - Powered by Discuz! Board

標題: 神威福將托 fit 爆肌 [打印本頁]

作者: nt1972 時間: 2016-1-29 05:06 AM 標題: 神威福將托 fit 爆肌

昨周四排位朝晨課，出跳之有賽程馬相當多。

千八米草地：「急急腳」柏寶跳兩段，馬身甚靚，洒開大步奔馳，越走越起勁。「天長地久」史卓豐彈閘，起步順利，按住唔懶好肯走，人馬合拍勇態洋溢。

「大將風速」梁家俊跳兩段，戴頭罩，馬身甚靚，末段省騎考驗，加速衝刺反應甚佳，狀態出色。「大情人」跳兩段，戴頭罩，扣住神態好生猛，單薄馬唔瘦，走勢硬朗，健康狀態均佳。

「鋒芒畢露」拍「歡樂盈盈」沈集成跳兩段，前駒俯首而馳，後四百米自動加速衝刺，反應甚強；「歡樂盈盈」已落後，騎落頭側側唔規矩。

大跑道：「神威福將」跳兩段，披住馬被出試，時間唔快，旨在輕抒腳頭，過步輕盈神情專注，肌肉線條顯現，試大閘有追勢，保持最佳狀態。

「東方快車」跳兩段，走中檔，慢開直路稍加快，收身靚極，後庄肌肉線條顯現，落腳勁力十足，當起馬狀態又躍進一步。

「精算追擊」跳一段，戴頭罩走中檔，馬身收得靚，神態旺，出腳開揚湧住去，過終點餘勢不減，當打之馬，狀態起得更好。

「友瑩格」跳兩段，以均速從容姿態完成，馬身收得靚，落腳輕巧，今季遲起步，狀態回起有九成，連番試閘都有好走勢。

「競技英雄」跳兩段，沿欄慢開，直路稍加快，大步走過神態好活躍，馬身喼得靚，毛色深潤，體力充沛，季內狀態長期見好。

「金錢路」副練跳一段，直路上緊韁用暗力撐實，故時間唔快，但身靚神氣十足，已具爭勝水準。「泡泡達人」田泰安跳一段，走中檔，墜手大步湧住去，身靚神情專注，操好勇態洋溢。

魅力知心越戰越勇
「魅力知心」跳兩段，走中檔，收身線條靚，毛水深潤，走過神態生，步穩勁力貫注，質新當起馬，有越戰越勇之勢。

「小奇妙」黎海榮跳兩段，大馬收身，毛水油潤悅目，慢開直路稍加快，走過淡淡定，落腳輕盈有力，成熟狀態均有進展。

「恩格斯」拍「風花雪月」羅理雅跳兩段，前駒內檔佔先一身位跳贏，埋門連課拍跳都唔曳；後駒外檔輕鬆跟隨，體力甚佳，上課拍跳沿欄奮力佔先，今課則示人以弱。

「連利進寶」跳兩段，身靚毛水深潤，慢開直路稍加快，過步輕盈有勁，勇態持續。

「電訊太子」田泰安跳兩段，馬身谷到脹卜卜，這匹低班失準馬，論態相當弗。

歡迎光臨公仔箱論壇 (http://www3.tvboxnow.com/)