公仔箱論壇 - Powered by Discuz! Board

標題: 【麥格夫隨筆】季尾未交代大勝利 [打印本頁]

作者: 02754566 時間: 2016-5-31 12:14 AM 標題: 【麥格夫隨筆】季尾未交代大勝利

今個馬季真正進入倒數階段，現時只剩下六田五谷，建議大家揀馬策略亦需作出調整，翻查整個五月份一共產生77場頭馬，當中竟有45W是季內第一W，既然有強勁數據支持，當然要跟住形勢走。
周三晚雖然有好多季內未贏馬，但縮窄範圍下可揀轉倉未交代馬，馬匹轉倉主要原因不離想贏，新接手練馬師為人為己，自然務求盡快贏場交代，方嘉柏向來擅贏轉倉馬，第四場「罕曾見」大前仗轉倉初出即在谷草1650米搏殺，於超慢步速下後追輸短頭入Q，之後兩仗走樣因大半程走外叠，始終來港時評85分，現落至55分新低，點計都有反彈空間，況且同系「誰可拼」也未交代，戰意上可秤高一線。
另一匹「大勝利」卻響方嘉柏手贏唔到轉去沈集成，加盟後雖跑過兩場都唔得，主要係泥地同對手較強的田草1200，今次轉跑對手較弱兼兩次入Q的谷草1200，沈集成已擺明車馬搏殺。

歡迎光臨公仔箱論壇 (http://www3.tvboxnow.com/)