公仔箱論壇 - Powered by Discuz! Board

標題: 【子健講馬】換大師傅抽好檔我一於揀佢！ [打印本頁]

作者: 02754566 時間: 2016-6-1 01:53 AM 標題: 【子健講馬】換大師傅抽好檔我一於揀佢！

跑馬地跑馬，排內檔着數，今期用C加3欄，正常會利前置，卻仍要分開獨立每場去睇，除非發現嚴重偏差，大可跟住該日方向走，否則便要因應，每場步速形勢不同，評估心水馬的機會。
第八場三班1800米：「小島怡情」由蔣嘉琦換郭能，無磅減，反而更鍾意，近兩仗賽前均表明立場，覺得蔣嘉琦騎唔掂，主要知道此駒太重口，望空連巫斯義都留唔住，蔣嘉琦點留？結果兩場都在外叠望空走晒，減磅都無用，屬大師傅馬，今次除換人外，轉抽二檔也是另一重要變數，博佢！
「蓮花巨星」上仗賽前無最後試跑，體重跌都贏，今次落草地最後考驗，體重無再跌，莫雷拉再騎仍具備條件，但唔太突出。「寶正寶」上仗放唔出都能力逼前駒，今次都可能未必帶到頭，但只要唔好走太蝕，也有權再爭Ｑ。
「開心駿馬」只要起步唔甩漏，應快過內側一檔「天長地久」，上次慢閘，跑到錯晒，直路都追，輸不夠三個馬位，確證狀態無回落，今期增程帶得到，贏埋都唔奇！一定會預。餘下只鍾意揀開的「勇駒」。

歡迎光臨公仔箱論壇 (http://www3.tvboxnow.com/)